Ta pidi studiante, mayor, empresa, gobierno, Misa, Sindicato, individuo y NGO’s nan
pa uni den un compromiso pa impedi fin di tur producto plastico pa bon di salud
humano y planetario exigiendo un reduccion di 60% di productonan plastic pa 2040 y
e obhetivo final pa construi un futuro sin plastic pa generacionan venidero.
Pa logra un reduccion di 60% pa 2040; (1) Concientisa e daño
causa dor di plastic, salud humano, animal y biodiversidad completo y exigi mas
investigacion implicacionan pa salud, divulga tur informacion riba e efectonan
publico. (2) Rapidamente elimina tur loke ta plastic di un solo uso pa 2030 y elimina
gradualmente den e tratado di Nacionan Uni riba e contaminacion di plastic na 2024.
(3) Exigi politiconan pa pone un fin na e plaga di modanan rapido y na gran cantidad
di plastic produci y utilisa. (4) Inverti den technologia y materialnan innova pa contrui
un mundo sin plastic.
Plastic ta mas leu di ta un problema ambiental serio. Eta un menasa grave pa salud
humano asina alarmente manera e cambio climatico. Na momento cu e palsticnan ta
bai descompone e micro organismonan ta saca sustancianan kimico toxico den nos
fuentenan di alimento y awa y nan ta keda circula den e aire cu nos ta respira.
Produccion di plastic a crece mas cu 380 miyon di tonelada pa aña. Den e ultimo dies
ana a wordo produci mas plastic cu siglo XX y e industria tin plania pa crece
explosivamente den un futuro indifini.
Tur e plastic nan aki a wordo produci pa un fabrica “Petro Kimico” cu un hisrorial
abysmal di emisionan toxico, derame y explosivo. Plasticnan ta wordo porduci den
instalacionan contamina cu di un manera parce cu nan ta semper ubica den barionan
mas pober. Algun plastic ta lethal ora e wordo kima. Otro plasticnan ta transmit
sustancianan kimico cu ta altera hormonnan. Tur plastic por mata parha y sofoca bida
marino. Den cada etapa di ciclo di bida for di posnan petrolero te cu dump, plastic ta
keda un plaga peligroso.
Ley contra productonan plastico
Por corda cu na aña 2018, Ministerio di Desaroyo Teritorial, Infrastructura y Medio
Ambiente a anuncia e introduccion di un ley nobo locual ta prohibi productonan
desechabel di plastico di un solo uzo (incluyendo biodegradables y compostables),
productonan di styrofoam (polysterne), y tambe prohibicion di productonan cu ta
contene kimico oxybenzone den cremanan anti solar.
Tabata entrante1 di juli 2020, Gobierno di Aruba a prepara pa e ley aki pa bini na
vigor siguiendo un proceso di conscientisacion.
Pa loke ta trata ehecucion di e ley aki, Ministerio di Desaroyo Teritorial,
Infrastructura y Medio Ambiente a tuma e puntonan di preocupacion di e
distribuidornan tambe den consideracion. Lo evalua e ehecucion di e ley, tumando na
cuenta e crisis cu nos isla ta enfrentando. Motibo pa e evaluacion menciona ta cu a
surgi un retraso den e proceso di reduccion di e materialnan cu ta cay bou di
productonan dañino pa medio ambiente, manera stipula den e ley.
Ta conoci cu rond mundo ta haci esfuerso pa basta aña caba riba minimalisacion di e
uzo di productonan di plastic di un solo uzo.
A prohibi entre otro supermercadonan pa duna saconan di plastic na momento di hasi
compras. Ta depende e cantidad di compras cubo ta hasi ta defini e cantidad di saco di
plastic cual ta masha hopi saco ta wordo duna. Tur e saconan aki por si dado caso e no
wordo tira afo na un manera responsabel e tin tur posiblidad di finalisa den nos
naturalesa. Por miranan pega den mata, Kadushi y tin biaha te hasta ta bula rond. Ora
cu e saco di plastic aki finalisa riba dump e tempo ey por miranan ta bula bai cai te
den e lama cu tin rond di nos dump. Segun studio den e lama cu ta keda rond di nos
dump na parkietenbos ta un cantidad sin limite tin den fondo di lama cu sigur den
transcurso di siglonan pasa a keda acomula y causando un daño enorme na nos bida
marino.
Santa Rosa tambe a hasi cambio.
Como Departamento responsabel, Santa Rosa tambe ta conciente di e daño cu e saco
di plastic ta hasi. Mesora a cuminsa busca solucion pa e saconan di plastic cu nos mes
tabata usando. Dibiaha a percura pa busca saconan reusabel y biodegradabel pa nos
saconan di gordura, esunnan di fertilisante y simiya. Saconan cu no ta causa daño na
nos medio ambiente. Y si dado caso bo cumpra bo saco di gordura pa prome biaha
serca nos na Santa Rosa, y bo bin bek cune, bo ta haya e siguiente saco na un mihor
prijs.
