Aruba su turismo ta den bon caminda y ta recupera positivamente. Sinembargo tin diferente aspecto cu mester tene cuenta cu ne. Un di e aspectonan ta cu A.T.A a keda independisa na aña 2011 y ta bisto cu e modelo di A.T.A a duna su fruto.
CEO di ATA Ronella Croes ta na cabes di A.T.A y e cifranan ta papia pa nan mes. Si mester tuma nota riba e Touism receipts basicamente subi so e ta subi ultimo añanan, pero cu excepcion di e temporada di pandemia.
Aruba Tourism Authority ta hopi orguyoso di por a registra resultadonan positivo den turismo. Tambe un topico actual cu ta papia di dje ta e modelo financiero di A.T.A dus e plan di impuesto unda cu actualmente ta na parlamento y e ta un punto di cambio pa A.T.A pa 2023.
Esaki sigur tin su impacto y con e ta impacta tur cos ta importante pa tene cuenta cu ne. Segun Ronella Croes te na e momentonan aki e modelo di A.T.A ta duna 9.5 % di e roomtax y esey ta e entrada principal y esey ta conforme di e modelo di A.T.A desde 2011.
Na e momentonan aki conforme e plan cu tin entrega di impuesto A.T.A lo bay di 9.5% pa 7.1% di e roomtax cu ta e Tourism Heffing. Segun CEO di ATA esaki ta un situacion cu for di aña pasa den luna di september a bin ta discuti e punto aki cu gobierno , minister di turismo, conseho di minister , comision di turismo di parlamento unda cu a organisa diferente seccionnan pa gremionan comercial, gremio sindical ,DIMP y CAFT .
Un cantidad di reunion a tuma luga pa por splica tur hende diferente aspecto cu ta importante y cu ta rekeri precaucion prome cu tuma cualkier decision. Banda di esaki a haci analisis di kico ta loke ATA tin mester y tambe a haci analisis di kico ta un costo di vacacion pa Aruba unda cu ta mira tambe cu Aruba ta den un costo mas halto cu otronan.
Si mester mira 2023 importante ta cu e plan y presupuesto di A.T.A ta basa riba no 7.1% pero 7.5% di e 9.5% cu lo bay subi segun e reforma fiscal na 12.5%. Actualmente A.T.A ainda ta den dialogo cu esunnan concerni pa tog logra cu lo haci un ahuste y cu A.T.A lo haya su 7.5% cual ta mara na un plan cu lo yega na un 12% abase di e Touism receipts compara cu 2019 y tambe e ta mara na entre otro na e crecemento di turismo di 5%
