Preparacion pa e prome intercambio cultural entre NIA (National Institute of Arts) na Sint Maarten y e centro di arte KUNSTCIRCUIT na Deventer riba Día di Rey na 2013 ta den proceso. Varios fondo, fundacion, NGOs , institucion y organizacion tabata cla pa apoya e proyecto piloto aki, desde 2019. Pero Covid no a permiti esaki na 2020… E artista Arubiano Gustave Nouel (bibando na Deventer), cu experencia den duna workshops y otro actividad artístico, den casi henter Reino Hulandes, kier juda stimula un intercambio cultural y structural di ‘specialistanan y/o docentenan’.
Gustave Nouel mes a bira specialista den ‘street portraits’, pintando desde siglo pasa, cu artistanan di henter mundo, riba Place du Têrtre di Montmartre na París, Plaza Mayor na Madrid y otro plazanan cu artista, internacionalmente, despues di su formacion academico y di posgrado den arte…
Ultimo anjanan, GN a comparti su expertise den “street-portraits” universal, internacionalmente riba tur nivel. Tambe na Deventer na centro di arte KUNSTCIRCUIT (www.kunstcircuit.nl) caminda e intercambio cultural cu e islanan di Reino den Caribe mester start y na DAK (www.deventeramateurkunstenaars.nl), e pintor Arubiano ta comparti “street-portraits” universal cu artistanan interesa. Na Apeldoorn, GN a duna workshops nacional di “street-portraits” na Royal Talens. Y na galería PS20, ela comparti su expertise pa varios aña. Na 2019, Sr. Marco Kok, director di MKB-Deventer, hasta a pidi Gustave p’e juda inicia un ‘plaza di artista’ na Deventer den zomer di 2020 na centro comercial De Boreel. Esaki ta den proceso atrobe, awor cu crisis di Covid ta pasando… Actualmente Gallery ArtFra na Apeldoorn a invita e artista Arubiano, pa bin promociona su ‘street-portraits’ – hunto cu su miho alumnonan – Diabierna 27 di Mei, 2022. (un día cultural na centro cultural De Eglantier, di 11:00 te 20:00 hr ). Gallery ArtFra a propone pa organiza workshops di ‘street-portraits’ di GN despues di e actividad promocional aki. Gallery ArtFra ta conta riba gran interés p’e actividad di ‘street-portraits’ na Apeldoorn.
Gustave ta un ‘dreamer’ cu ta kere den e function di brug di Famia Real den nos Reino. Synergia ta un motibo di GN pa colabora cu ‘Oranje’ y AABA ( stichting Antilliaans Arubaans Beraad Apeldoorn).
E brug di ‘Oranje’ den nos Reino, por juda cu proyectonan, culminando den start di un intercambio cultural efectivo, di arte visual, danza, teatro, música y mas disciplina di arte, riba base di igualdad, si esaki ta posibel. Reino Hulandes den Caribe, ta depende hopi di turismo, y por tin interes den pintamento di ‘street-portraits’ di/pa turista. ‘Street-portraits’ di GN por ta instrumental pa juda start e proyecto aki riba Dia di Rey, segun deseo y/o necesidad di cada pais. .
E brug di ‘Oranje’ den nos Reino, por juda cu proyectonan, culminando den start di un intercambio cultural efectivo, di arte visual, danza, teatro, música y mas disciplina di arte, riba base di igualdad, si esaki ta posibel. Reino Hulandes den Caribe, ta depende hopi di turismo, y por tin interes den pintamento di ‘street-portraits’ di/pa turista. ‘Street-portraits’ di GN por ta instrumental pa juda start e proyecto aki riba Dia di Rey, segun deseo y/o necesidad di cada pais. .
Pintura di portret di GN, inspira pa Cas di Oranje, den su estilo universal di ‘street-portraits’, ta refleha cara di tur monarca di Reino Hulandes. E último celebracion ‘normal’ di Día di Rey na 2019, GN su serie di pintura ‘Caranan di Oranje’ a ser exponi den e sala di Arte Contemporaneo di ACEC (Apeldoorns Centrum voor Eigentijdse Cultuur). Awor, te fin di mei 2022, pa prome biaha desde cuminsamento di e crisis di Covid-19, por admira algun pintura di e serie ‘Caranan di Oranje’, di e artista Arubiano GN atrobe. E biaha aki den e sala central/publico na Stadhuis di Deventer.
