Peter R de Vries a bay sosega

Hulanda a lanta di luto. Despues cu a conocido Peter di Vries a keda tira den su cabes diamars ultimo , awe mainta e la fayece. E conocido periodista di 62 anja  a keda  tira na Lange Leidsedwarsstraat na Amsterdam y a keda transporta cu urgencia na hospital pa asina keda atendi.

Segun e famianan a duna di conoce na media di Hulanda ‘’de telegraaf ‘’cu peter a keda lucha te na final pa su bida pero lamentablemente no a gana e bataya. E tabata rond di su sernan keri na momento cu e la hala su ultimo rosea di por a vense e situacion cu e la haya den dje.

Famianan a duna di conoce cu nan ta hopi orguyoso di dje di loke e la haci pa hopi hende na Hulanda. E susedido a tuma luga den careda di 19:30 na Lange leidsedwarsstraat den e buurt di Leidseplein su parkeerplaats cu ta mas of menos 100 meter di e studio di RTL Boulevard unda cu de Vries tabata e anochi ey.

Te na e momentonan aki tin dos detenido cu ainda ta sera un di nan ta un persona di 35 anja Pool di Gelderse maurik  y un hoben di 21 anja cu ta di Roterdam, te na e momentonan aki tin indicacion cu e hoben di 21 anja di Roterdam ta e persona cu probablemente lo a tira. Sinembargo Pool ta e persona cu lo tabata core e auto. Den e caso aki tabatatin entrada hudicial na Maurik, Tiel y Rotterdam unda cu tuma materialnan den beslag. Sinembargo di henter e caso aki e motibo dicon a tira Peter R de Vries no tin mucho claridad ainda.