Peruanonan na Aruba a celebra 202 aña di independencia di Peru

For di La granja Savaneta inmigrantenan Peruano cu ta biba na Aruba a celebra 202 aña di independencia di Peru. E idea di e dia di awe tabata pa por a core rond di Aruba cu bandera y ilustra e cultura Peruano na Aruba. Di e manera aki e Peruanonan na Aruba a celebra nan dia di independencia.

E grupo di Peruano cu a organisa e evento aki ta sinti nan orguyoso y contento di por a ricibi diferente colaboracion e aña aki di varios persona di diferente nacionalidad cu ta biba na Aruba y di e Arubiano nan mes tambe. Segun Nelly Ostos nan ta contento cu nan por a haya e oportunidad cu nan a ricibi e permiso di por core rond di Aruba den un caravana cu e bandera di Peru y asina celebra e 202 aña di independencia.

Tambe Fredy Yucra ta un di e motornan tras di e evento aki e grupo di Peruano nan a sali di La granja savaneta sigui pa Balashi, St Cruz , Tankileendert,Tankiflip, Noord,Frans Figaroa,Palm Beach,Paseo Herencia, banda di hotelnan , tuma Blvd, Bushiri , seroe blanco y na final ta caba na Postkantoor playa. Esaki no ta prome biaha cu nan ta haci un caravana pero pa 10 aña consecutivo ya caba ta celebra nan fecha di independencia cu un caravana. Den e ruta nan tin algun parada y na momento cu nan para nan lo haci diferente wega nan y na unda cu lo tin diferente premionan. Di e manera aki e comunidad Peruanoa celebra y recorda nan dia di independencia.