ORANJESTAD, Aruba
Perfect Me Weight Loss Clinic ta e prome gym dedica unicamente y exclusivamente na e hende
muhe di Aruba. Como e unico gym na Aruba crea dor di un hende muhe pa hende muhe,
Perfect Me ta conoce reglanan extremo di hygiene for di prome dia. Un proyecto cu a cuminsa
cu un soño y cu aworaki ta wordo forma dor di un comunidad grandi di hendenan muhe hopi
determina y motiva.
Riba e momento cu JulieJulie a bin cu e idea di habri un gym pa hende muhe, tawata tin
diferente punto primordial riba mesa. E gym mester ta organisa, bon equipa, espacioso y hopi
limpi. Perfect Me nunca tawata un gym comun y coriente cu ya caba e comunidad tawata
conoce. E no ta un “walk in gym”. Tur diasabra y diadomingo, JulieJulie tawata comunica
atrabes di whatsapp cu cada un di e clientenan pa planea e siguiente siman. Di tal manera
Perfect Me ya caba tin ful su plataforma instala for di inicio caba unda cu por tene un control
exacto di ki dia y ki ora cual cliente lo ta presente. Den e new normal, esaki lo ta hopi
importante pa por controla e cantidad di hende den gym y pa por mantene e exigencia di social
distancing. Perfect Me ya ta cla cu e parti aki, implementando group training cu un trainer pa
tur nan clientenan.
Di igual manera, limpiesa di Perfect Me semper a wordo tuma hopi na serio. Como un gym pa
hende muhe, e ta importante pa e gym ta sanitized y limpi. Pa logra esaki semper tawata tin un
staff dedica exclusivamente na limpiesa di e gym y awor den preparacion pa e new normal, no a
para keto y warda wak kico ta bay pasa, pero mas bien a set up un team dinamico pa crea nos
propio “Bacterol Decontamination Booth” hacienda uso di productonan di compania local
Arupro, pa asina aki por garantisa na cada cliente y na nos staff un lugar safe pa workout.
Na yegada, e cliente lo tin cu pasa den e booth aki, den cual ful su curpa lo wordo decontamina
cu un Bacterol mist prome cu e drenta paden. Na entrada tin e hand sanitizer dispenser (cu
semper tawata eynan) y esaki ta semper yen pa e cliente por desinfecta su man nan. Den cada
espacio di e gym, rond di tur e equiponan y na cada strength training machine, tin antibacterial
spray bottles y diferente bacterol dispensers na murayanan instala hunto cu disposable papertowels
pa cada ken por mantene e machine nan limpi.
Perfect Me!
Como un espacio pa e hende muhe cu sigur ta hunga un rol importante den comunidad como
muhe, mama, profesional y ser humano, Perfect Me ta tuma henter e situacion aki hopi na
serio y lo haci tur cos posibel pa cada cliente por sinti nan mes na cas manera semper. Mas cu
un gym nos ta un famia.
Mas leu, ya caba Perfect Me tin un “non contact thermometer” cu lo sirbi pa controla
temperatura di e clientenan na yegada di gym tur dia, intensivando asina e control. Na
momento di re-inscripcion cada cliente lo ricibi tambe un manual digital unda cu lo tin tur e
reglamentonan di hygiene incorpora, manera trece bo propio boter di awa, bo mesun serbete,
bin cu slof y bisti keds paden, desinfecta e keds y mas.
Staff y personal di Perfect Me ta cla y prepara pa asina cu gobierno duna autorisacion por habri
bek, y como un negoshi local ta spera di por conta cu e sosten di nos comunidad.
