Como e prome muhe comisario di Aruba Sra Trudy Hassel a keda pidi pa yuda den diferente area, pero tambe internacionalmente. Den e caso aki Sra. Hassell a keda yama pa bay yuda st Maarten na departamento di inmigracion, esaki ta debi cu den KPA mes sra Trudy Hassel tabatin diferente funcionnan y tin amplio conocemento.
Un di e funcionnan ta di hoofd di Vreemdelingenpolitie y asina a ser conoci cu e mundo di stranheronan y aki ta caminda cu a habri caminda na 2002 pa hunto cu sr. Chuw Rincones riba peticion di defunto ex Minister di Husticia Rudy Croes pa lanta e departamento di Guarda nos Costa bao di cuerpo policial.
Asina tambe sra. Trudy Hassel a keda na Guarda nos Costa pa 3 aña largo manehando un departamento cu e mes a lanta y a siña masha hopi mes den e trayectorio aki. Pa Trudy Hassel bida ta un circulo y prome cu a bandona cuerpo policial awendia tog mester a bolbe Guarda nos Costa pa yuda drecha e luga.
Sinembargo tur hende conoce kende ta Sra. Trudy Hassel , un persona cu por ta demasiado recto, ta kere den ley debi cu ley ta conta pa tur hende y pa su persona y su famia e ta conta igual, pero no ta tur hende ta compronde esey. Na momento cu a bay Guarda nos Costa a traha manera debe ser y pa por cumpli cu tur e tareanan cu mester keda haci y laga un departamento atras cu tabata corecto .
Den tur e tareanan cu sra. Trudy Hassel a haya pa cumpli e la cumpli cu nan, KIA tambe ta un departamento cu Sra. Trudy Hassel a bay y tabata un reto cu e mes tabata kier pa asina haya sa mas di e mundo di e personanan cu ta wordo cera y por a conoce mas con henter e proceso ta cana na Aruba. Den tur e diferente departamentonan cu a traha a amplio mente y conocemento cu no ta tur cos ta preto cu blanco, semper tin un pakico y un pasobra tambe.
E tempo ey a sali afo y a cuminsa papia riba cu tur hende tin derecho riba un di dos chance, pero hopi hende no a compronde realmente kico tabata e mensahe tras di dje. Pa Sra. Trudy Hassell te dia di awe ta para tras di e declaracion ey paso tur hende merece un di dos oportunidad.
E realidad ta cu nos tur ta comete eror den bida y nos tarea ta no solamente como un ser humano nan , pero tambe como profesionalnan pa purba di yuda pusha tur hende den bon direccion y no den e mal direccion.
Esaki ta un punto tambe cu tabata un di e misionnan como polis, si un hende ta haci fout nos leynan ta bisa cu bo por haya boet y bay cera, pero esey no ta final tur hende tin cu siña e fout y nos tin cu siñbo pa pushabo den e direccion bon cu bo tin cu bay.
Nos ta cita den su propio palabranan: Den mi carera semper mi a purba di haci mi trabao sirbi Aruba mas miho cu mi tabata por, pero na e mes un momento no ta tur hende tabata compronde tin biaha pakico y dicon mi tabata hacie, pero mi a hacie solamente cu bon intencion.
1 comment
[…] Source link […]