Diamars anochi algo pasa di 8’or polisnan di districto di Playa a bay den Olijfistraat na Dakota. Pa ta exacto patras di Dakota Shopping Paradise.E parti patras di e mall aki ta un area unda tin varios depositonan cu ta data di añanan 60 bay ariba, pues basta bieu. Den un caya small entre e edifionan bieu a bin haya un Jeep Wrangler color oraño cu recientemente a wordo horta.
Informacion adicional tabata bisa cu lo tin dos recidivista cerca of na e vehiculo.Polisnan na yegada a saca nan arma y tabata bisa den voz halto cu si ta polis y pa nan sali y no haci nada straño paso bo por wordo tira.
Niun hende a sali, debi cu prome cu polis a yega nan a move di e sitio. Ta wordo papia di e recidivista conoci bou e nomber PELUCA cu ta un di nan.
Na e sitio tambe polis a wordo notifica cu algun minuut prome cu nan a yega e dos hendenan aki esta PELUCA y su amigo lo por a bandona e sitio den un Toyota Yaris blanco modelo bieu.
E vehiculo aki a baha di pariba den Caya Papa Juan Pablo II cu velocidad hopi halto, y a hera bolter y dal contra otro auto. Na final e la bira dilanti Town Dragon Bar Restaurant bay zuid den Awacatistraat. Pues posiblemente nan tabata den e vehiculo aki.
Un poco mas pariba di unda a haya e Jeep a bin haya un cantidad grandi di credit cards, i.d y tambe rijbewijs di Merca di un hende homber. Esaki tabata hunto cu un cartera cu ya nan a saca e placa y plama tur cos.
Departamento Tecnico a wordo mesora poni na altura, si ta bon nan lo mester a presenta na e sitio pa colecta e documentonan y e credit cardnan di e persona.
Aki ta papia di bastante carchi.
Na final takelwagen a presenta pa por a saca e Jeep y a hib’e warda di polis pa mas investigacion y tambe pa avisa e doño. Nos no sa si e cartera y tur su pertenencia ta di e doño di e Jeep.
