Pa 7:50 di anochi polis y ambulance a keda notifica di un pelea cu ta tumando na un cas den Pindastraat. Mesora patruyanan a yega na e cas y e prome escenario cu a encontra ta un hende homber cu sla na su cabes y e no tabata reaccionando. Mesora a pidi ambulance cu maximo urgencia y na su yegada a trata e homber na e sitio pero debi na e impacto cu e la ricibi na su cabes no por a haci nada mas pe. Ta trata aki di e homber Esdras Daniel Tjehada naci dia 7 di januari 1989 na Republica Dominicana y tabatin 35 aña di edad. Dokter forensico a ser yama y departamento forensico tambe tabata presente, pero tambe departamento di recherche tambe ta haciendo nan investigacion.
Na e sitio tabatin dos detencion un di e detencion tabata relaciona cu e caso y e otro detencion tabata pa stroba trabou di polis. Na mes momento ta haci un apelacion na esunnan cu a mira algo pa yama polis mesora , por yama e tipline di polis cu ta 11141 y ta keda anonimo si ta desea di duna informacion di e caso.
Segun informacion adicional cu por a compila na e sitio Daniel Tjehada tabata den oranan mas trempan tabata actua y papia straño for di trempan y tabata den bar pasifico ultimo prome cu e la yega cas.Tabatin un problema cu e nieto cu a keda deteni y cu e la saca cuchiu pe y den e proceso ey den e stoel cu e tabata sinta a kibra y a cay y bay dal su cabes y no a reacciona mas.
Polis y recherche a yega na e sitio ta investiga e situacion. Hefe di polis Ramon Arnhem tambe tabata presente pa Asina Mira e caso mas di cerca.
