Despues di e caso di “ontneming” den corte,
drs. Paul Croes a anuncia cu e lo bai Corte di Casacion y Corte Europeo contra e desicion di Hof di 12 di oktober ultimo. Primeramente segun Croes, OM a actua contra ley dor di a laga Fiscal sin autorisacion persigui su persona. Segun articulo 476 di nos codigo penal e unico cu por persigui un Minister den funcion ta Procurador General. Den e caso aki Fiscal di Ministerio publico a hasi esaki sin tin e debido autorisacion. PG a entrega un carta cu lo ta e supuesto “autorisacion” sin firma. Esaki ta un acto contra ley, kiermeen henter a caso IBIS a wordo hasi contra ley.
Na di dos luga,
“Como un ex-miembro di CPT comicion prevencion di Tortura Paul Croes a bisa cu e tabata hasi rapportage pa nacionan uni pa cu Reino Hulandes pa Aruba. Como un experto riba e ramo aki e ta convenci cu e trato di isolacion di 80 dia di su persona tabata en pugna cu tur derecho di un sospechoso of detenido. E ta violacion di varios derecho humano. Y pesei mi ta bai contra Reino Hulandes pa e maltrato aki” Croes a declara na salida di corte.
Corte di Casacion ta unda nan ta mira si procedura di e investigacion a bai conforme ley y si Ministerio Publico no a abusa di nan poder. Den a caso IBIS esaki ta bisto. Ministerio Publico a actua sin e autorisacion debido contra un Minister den funcion, esta Paul Croes na 2017. PG nunca a duna e autorisacion oficial na OM.
Un contract of acuerdo SIN firma ta invalido, awo PG di un pais pa persigui un Minister di un pais ta entrega un carta sin firma anto riba un fecha despues cu e investigacion a start, esaki ta illegal, y contra ley” Paul Croes a bisa na salida di Corte.
