Ora nos tin e man di Dios teni, nos por spera bondad, pas y trankilidad, pasobra e man di Dios ta guia
hende na cos bon so.
E man di Dios ta sana hende,
E man di Dios ta libera hende.
E man di Dios ta proteha hende.
E man di Dios ta provee pa hende.
E man di Dios ta cumpli cu hende,
E man di Dios ta disiplina hende
E man di Dios ta coregi hende,
Bondad , amor y trankilidad ta bini for di e man di Dios.
E man di Dios ta duna bon instruccion.
Dios Su Poder ta manifesta den su man.
Ta dushi ora nos pone tur cos den man y mira con Dios su man ta move.
Hende cu tin Fe ta pone tur cos den man di Dios.
Ora nos ta den man di Dios, nos confiansa ta aumenta.
E man di Dios tin poder pa habri tur porta.
Eman di Dios tin poder pa kibra tur cadena di maldad.
E man di Dios tin poder pa destrui tur agenda di maldad.
Ora man di hende lanta contra bo, e man di Dios lo proteha bo.
Dios tin nos bida den su man y den Su man nos tin seguridad.
Fieldad , Lealtad, y Crecemento ta sinta den e man di Dios.
E man di Dios ta separa bondad for di maldad.
No tene miedo pasobra Mi ta cu bo, no desmaya,pasobra Mi ta bo Dios,Lo mi fortalesebo,si lo Mi
yuda bo.si lo Mi sostenebo cu Mi man drechi di husticia.( Isaias 41:10).
Pasobra Ami ta Señor bo Dios, kende ta sostene bo man drechi.Kende ta bisa bo, No tene miedo lo Mi
yuda bo.( Isaias 41:13).
Laga nos tur mira e importancia di e man di Dios den nos bida, e man di Poder, e man di Grandesa, e
man di Santidad, e man cu ta trece bienestar general. E man cu por desvia tur cos cu ta malo cu kier
bini den nos direccion.
Pa loke ta Dios, Su caminda ta perfecto,e Palabra di Señor , E ta un escudo, pa tur esnan cu ta tuma
refugio den dje. Pasobra ta ken ta Dios, si no ta Señor, y ken ta un baranca si no ta nos Dios.( Salmo
18:30-31).
Tambe Bo a dunami, e escudo di Bo salbacion, y Bo man drechi ta sostenemi,y Bo gentilesa ta haci mi
grandi. Bo ta hancha e caminda bao di mi, y mi pianan no ta slep.( Salmo 18:35-36).
Lo Bo mustrami e bereha di bida, den Bo presencia tin plenitud di goso, na Bo man drechi tin delisia
pa semper.( Salmo 16:11).
Tin hopi hende cu ta scohe pa aparta for di e man di Dios, y biba manera nan kier, den gara di scuridad
y inmoralidad.
Tin hende ta corda riba e man di Dios , solamente ora nan ta den dificultad, necesidad, of malesa.
Pero Dios su man tur momento tey pa nos, pasobra Dios tin nos den Su planta di man y ningun hende
no por saca nos for di planta di man di Dios.
Y ora solo tabata baha,tur cu tabata hende malo , cu tur sorto di malesa a trece nan cerca dj’E y
poniendo Su mannan riba cada un di nan, E tabata cura nan. Tambe demoñonan tabata sali for di hopi
hende, y nan tabata grita y bisa”Abo ta e yiu di Dios”.( Lucas 4:40).
Pa nos tin seguridad di e Man di Dios den nos bida, Cristo Hesus mester ta na e prome lugar den nos
bida.
Sinceramente, Pastor Marcel Balootje.
