No laga ningun hende gañabo, pasobra poder ta di Dios y semper e lo keda di Dios, pasobra ta para scirbi: Ta E a traha cielo y tera cu Su gran poder, E a establece mundo cu Su sabiduria.
Y cu Su conocemento, E a span e cielonan. Ora cu E laga Su bos resona, tin un tumultodi awanan den e cielonan, y E ta haci e nubianan lanta di e fin di tera.
E a traha strena pa awacero, y trece biento for di su depositonan, ( Jeremias 10:12-13).
Den e mundo moderno aki nos ta tende cada rato con ciencia y technologia a aumenta cu hende ta busca pa wak cu tin bida y awa riba otro planeta, pero hende ta lubida cu tur cos ta Dios a crea y cu nos Dios ta doño di universo completo.Ta Dios a crea solo y luna.
Bendiciona ta esun, kende su yudansa ta e Dios di Jacob, kende su speransa ta den Señor Su Dios.
E Creador di cielo y tera, laman y tur loke tin den nan.
Kende ta duna pan na esnan cu tin hamber, Señor ta pone e presonan den libertad.
Señor ta habri wowo di e ciegonan.Señor ta lanta esnan cu ta abati,Señor ta stima e husto . Señor ta proteha e strañeronan , E ta sostene werfano y buida, ma e caminda di e malbadonan E ta trastorna. ( Salmo 146:5-9).
For di principio di mundo Dios a mustra Su gran poder como Creador pa asina ningun hende por tin excuus tocante su grandesa.
Pesey tur hende riba e mundo debe obedencia na Dios, tur rudia mester dobla y tur lenga mester confesa cu Hesus Cristo ta Señor, pa e gloria di Dios Tata.
Den tur e podernan financiero y militar cu kier domina mundo , ningun di nan por alcansa of compara nan mes cu Dios, kende ta Todopoderoso.
Kada dia cu nos lanta mainta for di soño, nos mester gradici Dios pa un dia mas di bida , salud, y sabiduria, pasobra tur cos ta pertenece na Dios.
Nos Fe y nos Speransa, mester permanece den Dios, pasobra e ta e Baranca di nos salbacion, no ta cumbini ningun hende bula di aki pa aya, esey ta nifica un rato cu Dios, y otro rato nos ta meti den idolatria, bruheria y otro tipo di maldad, pasobra aunke nos ta infiel, Dios semper ta keda fiel.
Scuridad a aumenta, y ta amentando cada dia mas y mas riba e mundo aki, pero nos no mester lubida cu nos ta e lus di mundo, y nos tey pa briya, cu nos actitud positivo, pa duna fruta di e lus cu Dios a pone riba cada un di nos.
Awor ta e tempo cu nos mester perservera mas cu nunca, pasobra den un momento of otro Esun cu tin di bini, lo bini, ningun hende sa e dia. pero un cos ta sigur cu e cambio di tempo, e sitacion riba mundo, e avance y aumento di maldad, ta mustra cu Cristo Hesus ta bin busca su pueblo.
Y aki nan su gran poder lo wordo demostra un biaha mas cu ora e bini , nada lo por detene esnan cu tin cu bay cun’E, nada lo por stroba, ora E bin busca esnan cu a kere den dj’E.
Dos lo ta hunto, un ta bay y e otro ta keda , esey ta pa demostra e exactitud cu Dios ta traha cune.
Dios lo desmostra su gran poder tur caminda.