Dios no por ta partime den nos bida, e mester ta fulltime, pasobra no por ta cu, den momento dificil so nos ta corda riba Dios. Ora di problema, tristesa , enfermedad y dolor nos ta yama riba Su nomber, pero ora cos drecha nos no tin compromiso cu Dios.
Den e buki di 2 Cronicanan capitulo 16 vers 9 ta para scirbi: Pasobra wowo di Senjor ta move bay bin door di henter tera, pa E por sostene fuertemente esnan cu nan curazon ta completamente di djE.
Hesus a bisa den Mateo capitulo 22 vers 35 : Stima Señor bo Dios cu henter bo curazon, y cu henter bo alma, y cu henter bo mente,esaki ta e gran mandamento y e di prome.y e di dos ta semehante, Stima bo prohimo manera bo mes.
Esnan cu ta compremeti cu Dios, Dios lo ta comprometi cu nan y Dios su compromiso ta fortalese esnan cu ta comprometi cu Dios.
Pesey Josue a bisa den Josue capitulo 24 vers 15 :Ami y mi cas nos lo sirbi Señor.
Ora bo famia y bo hogar ta comprometi cu Dios, Dios ta defende boso di tur maldad, di tur atake di e enemigo, pasobra Dios sa ken ta comprometi y ken ta fiel na Dios.
Si bo honra Dios, Dios lo honra bo, si bo sembra den djE lo bo cosecha for di djE.
Dios kier pa nos ta comprometi cun’E pa asina e mundo por sa cu E ta importante pa nos.
Mundo ta pasando den un epidemia di adulterio y divorcio, ta pesey tur matrimonio y famia mester ta compremeti na Dios, pa nan ricibi forsa di Dios contra tur e atakenan di e enemigo.
Dios ta hala nos atencion hopi cla den e buki di 2 Timoteo capitulo 3 vers 1-9 tocante tempo trabahoso. Dios ta bolbe recorda nos den e buki di Galationan capitulo 6 vers 19-21 kico ta pasa cu esnan cu ta biba den carni y no tin compromiso cu Dios, cualnan lo no hereda e reino di Dios.
Y den e buki di 1 Corintionan capitulo 6 vers 9+10+11 E ta corda nos cu e inhustonan lo no hereda e reino di Dios, y E ta hala nos atencion pa no laga ningun hende gaña nos, tur esnan cu no ta drenta ta wordo menciona, pero tambe E ta demostra su gran misericordia, cu ora nos arepenti E ta pordona. ( 1 Juan 1vers 9).
E diabel no kier pa hende tin compromiso cu Dios, pa asina hende biba sin cuenta, pa asina e por domina bida di hende, asina hende biba sin respet , cu ta bula aki y aya cay den tur tipo di inmoralidad y keda sin hereda e reino di Dios. (Juan10:10)
Deber di tur mayor ta pa instrui nan yiu pa nan tin un compromiso cu Dios, y bisa bon cla, un mucha cu tin compromiso cu Dios:
Ta dificil pa e ta cana cu arma.
Cana den gang. Usa droga, bebiendo alcohol.
Drop out for di scol. tira atraco.
Desobediente na mayor na cas y na autoridad riba caya.
Ta tempo pa nos biba un bida comprometi na Dios, pasobra asina ey nos por disfruta di Su defensa y bondad.
Hechonan 5 vers 29 Pedro y apostelnan ta contesta:Nos mester obedece Dios mas cu hende,
Boso cu ta stima Señor, Odia maldad:E ta preserva alma di su santonan,E ta libranan for di man di e malbado.(Salmo 97:10).