Ta para scirbi den 1 Juan 1:7-9 :Ma si nos cana den lus,mescos cu E mes ta den lus, nos tin comunion cu otro, y e sanger di Hesus, Su Yiu ta limpia nos di tur pica.
Si nos bisa nos no tin pica, nos ta gaña nos mes,y e berdad no ta den nos.
Si nos confesa nos picanan E ta fiel y husto pa pordona nos , nos picanan y pa limpia nos di tur inhusticia.
Den e sanger di Hesus tin poder pa:
Sana,Salba y Libera.
Poder pa vence Adversidad.
Poder pa trece Libertad y Speransa.
Poder Pa kibra cadena di diabel.
Poder pa Transforma Bida y Destino.
Gracia sea cu boso,y pas di Esun cu ta y cu tabata y cu lo bin, y di e shete Spiritonan dilanti di Su trono, Y di Hesus Cristo e testigo fiel. E primogenito di e mortonan y e gobernante di e reynan di tera.Na Esun cu ta stima nos, y cu a libra nos di picanan pa medio di Su Sanger.Revelacion 1:4-5).
Awor e salbacion y e poder y e reino di nos Dios, y e autoridad di Su Cristo a yega. Pasobra e acusado, di nos rumanan, cu ta acusa nan di dia y anochi dilanti di nos Dios, a wordo tira abao.y nan a vence , pa motibo di e sanger di e Lamchi.( Revelacion 12:10;11)
Sabiendo cu boso no a wordo redimi cu cosnan cu ta perece, manera plata of oro, for di boso manera bano di biba,cu boso a hereda di boso antepasadonan, ma cu sanger precioso,como di un lamchi sin defecto y sin mancha, e sanger di Cristo.( 1 Pedro 1:18-19).
Y segun Lei, casi tur cos ta wordo purifica cu sanger, y sin dramamento di sanger no tin pordon.( Hebreonan 9:22).
Pasobra si e sprengomento di sanger di cabrito y toro y di e shinishi di un bishe muhe, riba esnan cu a wordo contamina ta santifica pa contaminacion di e carni. Cuanto mas e Sanger di Cristo , Kende pa medio di e Spirito eterno, a ofrece Su mes sin defecto na Dios, lo purifica boso consenshi di obranan morto, pa sirbi e Dios bibo?( Hebreonan 9:13-14).
Ma awor den Cristo Hesus, boso cu tabata leu, a wordo treci serca pa medio di e sanger di Cristo.( Efesionan 2:13).
Pasobra a agrada e Tata pa henter e plenitud biba den dj’E y door di dj’E reconcilia nos cun’ E mes siendo cu E a haci pas caba door di e Sanger di Su crus, door di dj’E mi ta bisa tanto cosnan riba tera como cosnan den cielo.( Colosensenan 1:19-20).
Mateo 26:27 ta para scirbi: Y despues e a cohe e copa, y a duna gradicimento, E a duna nan esei bisando:Boso tur bebe for di dj’E, pasobra esaki ta Mi sanger di e aliansa, cu ta wordo derama pa hopi pa pordon di pica.
Muchu mas anto siendo hustifica pa medio di Su sanger , nos lo ta salba for di e furia di Dios door di dj’E.( Romanonan 5:9).
Percura pa boso mes y pa henter e tou,meymey di cual Spirito Santo a pone boso como wardado, pa pastoria e iglesia di Dios, cual E a cumpra cu Su propio sanger.( Hechonan 20:28).
No tin salbacion den ningun otro: Pasobra no tin bao di cielo ningun otro nomber cu a wordo duna na hende, pa medio di cual nos mester wordo salba.(Hechonan 4:12).
Tin poder den e e Sanger di Cristo Hesus.
