Di ningun manera esey no ta permiti .Ta un dolor , ta un tristeza, pero e ta pasando, y masha poco e ta wordo denuncia, pero e ta tuma lugar den hopi hogar riba nos isla, y un cos ta berdad e ta saliendo for di man. Nos ta masha contento cu Formacion Social, Dios bendiciona tur esnan cu ta traha den e Proyecto aki, Y Dios bendiciona e persona cu a bini cu e vision aki, cual ta un vision cu cada dia ta demostra cu nos mester di dje.
Pero ta kico ta pasando, ta nos muchanan of ta nan mayor ta faya, ta e mucha of ta e mayor su comportacion ta laga di desea,pasobra e aumento di rebeldia den famia ta espantoso.
No ta motibo di Covid, pasobra Covid no ta stroba educacion, Covid a produci distancia Social, pero Covid no por trece falta di respet, ni tampoco aumenta division den Famia.
Formacion Social ta haci su parti , cual nos ta ripii cu e ta un vision y Proyecto bendiciona, pero locual ta pasando ta , cu nos no por cria yiu di tal forma cu nan ta bay resulta den Formacion Social, pasobra ta cada biaha ta 24 persona por drenta den Formacion, y mientras cu tin miles cu ta scohe e caminda di rebeldia, usando droga , alcohol etc,etc.
Kico ta e placer di un mucha ora e ta menasa , su mayor cu e ta bay for di cas, pasobra e mayor no kier lage haci locual cu e kier, por ehempel e tin ora di Sali, pero e no tin ora di yega cas y hasta awor cu tin toque de keda, e no kier tende, e kier ta riba caya hasta den siman, cual ta pone su mes y por hinca su mayornan den problema.
Un mucha ta dicidi cu e no kier bay scol mas , pa motibo di disiplina exigi na scol, y e ta menasa su mayor cu si mande scol, e ta bay for di cas, mucha tin Amistad cu un persona mayor cu sa bon, bon cu esaki ta un hecho castigabel, y bo ta cuminsa cu hala bo yiu su atencion, y e mucha ta menasa di bay for di cas,mucha ta droga y bebe y mayor ta avise, ta mustre con hopi hende tin riba caya, y kico a pasa cu nan, y cu ningun hende no ta take care di nan, y mucha su contesta ta cu si sigi molestie e ta bay for di cas.Mucha no ta bay bon na scol, djis pasobra e ta haci hopi wega, y ta bay tras di amigo, mayor ta hala su atencion y prome menasa ta , mi ta bay for di cas.
Ora un cas ta violento, pleito tur dia, droga, alcohol,menasa, adulterio ta tuma lugar bisto den cara di mucha, e cas ey no ta un lugar sano , pa un mucha biba. Ora mayor ta trece hende den cas cu no tin respet pa nada, y cu simplemente ta bin busca refugio sexual, e cas ey ta unsafe pa un mucha, pasobra tanto abo mayor como e mucha ta na peliger.
Como mayor nos tin cu wak hopi bon pa nos comportacion, no ta provoca nos yiu pa bandona cas, pasobra tin hopi mayor a perde respet pa nan mes, y esey ta ocaciona rebeldia bao di muchanan.
Ora nos mes ta na ordo cu nos bida, y tin un bida cu bon relacion cu Dios, nos por reprende, y coregi tur clase di rebeldia, pero ora nos mes no ta para cu tur dos pia riba tera, y den cual nos por bisa e mucha, y tambe demostra cu locual cu e kier participa den dje ningun di su mayor ta hacie.
Pero ora nos mes ta corre caya, yega cas mainta, bebe, droga, papia palabra malo constant, violencia tur ora, bo mes ta falta respet pa bo matrimonio y bo yiunan, y esey ta trece provocacion.
Pueblo e asunto di amenasa di parti di mucha dirigi na mayor especialmente na mama ta algo hopi tristo, no ta solamente Aruba pero ta rond mundo, pero laga nos pidi Dios, pa debolbe e pas y trankilidad den cada hogar.
Pasobra solamente Dios por para den e asunto aki, un hogar sin Dios, ta un hogar sin direccion.Laga Nos sigi haci oracion, pa Dios tuma control di tur hogar.