Mescos cu bondad ta yama bondad, maldad tambe ta yama maldad, criminalidad y inmoralidad ta biba den mes un caya. Awor e pregunta bini: Riba ken nos muchannan ta bay wak, pa nan por ta un mihor cuidadano.
Libertinahe ,inmoralidad y maldad ta crece tur dia , pronto abominacion ta bay wordo permiti cu licencia.
Ta bin un tempo ,cu si un mayor mira su yu homber y su amigo ta sunchi otro den boca e no por stop nan pasobra nan hecho ta legal, mescos tambe ta conta pa nos mucha muhernan.
E nucleo familiar ta bay wordo sacudi fuertemente, e asunto di salud mental lo aumenta, problema di curason y presion halto lo aumenta, pasobra nos cultura no ta prepara pa e gran maldad y bagamunderia cu ta na caminda.
Hende grandi ta bisa ta dificil defende un saco di sucu, ora bo ta den un neishi di vruminga.
Tin biaha hende ta pensa cu nan por cambia pensamento di hende , pero locual ta sosode cu hende ta cambia nan.
Ta para scirbi den Juan 3:19: y esaki ta e condenacion, cu e lus a bin den mundo, y hende tabata stima e scuridad mas cu e lus, pasobra nan hechonan tabata malo.
Si un hende tin derechi di scohe, dicon e tin di scohe net locual ta malo, mientras cu bondad y bendicion ta su dilanti?
Pakico scohe pa inmoralidad y abominacion mientras cu decensia y moral tey pa nos tur?
Na unda mucha lo haña bon ehempel y respet si hende grandi ta corumpi, y asina hende grandi mes ta bira e piedra di trompica?
Acaso placa tin mas balor cu hende? Palabra di Dios ta bisa cu nos no ta yama pa strobacion,sino pa nos por ta un bendicion pa otro.
Ta kico a pasa cu hende no tin temor di Dios mas, y solamente ta pensa riba nan mes y nan so y ta complace cu maldad, of mayoria ta keda sin cumpli cu nan deber sagrado, pa asina habri porta pa otro dicta, y laga e pueblo y hubentud desampara y sin defensa.
Nos tin di haci algo pa e generacion cu ta lantando aki sin Cristo Hesus, pasobra boca di diabel ta hancho habri pa guli nan.
Mayoria di hoben cu ta lanta , sin conocemento di e palabra di Dios tin un chens grandi di bira victima di scuridad y e plan di diabel.
Hasta esnan cu conoce Dios tin cu tene cuenta , pasobra e enemigo ta disfrasa den tur cos y kier drenta tur caminda.
Loke ta sali for di hende, ta esey ta contamina hende, pasobra for di paden,for di e curason di hende ta sali mal pensamento, fornicacion, ladronisia y matamento,adulterio, hechonan di cudishi, maldad,tambe engaño,sensualidad, envidia , calumnia,orguyo y bobedad. Tur maldadnan aki ta sali for di paden y ta contamina hende.( Marco 7:20-23).
Pasobra esaki ta e boluntad di Dios,boso santificacion,esta pa boso abstene boso di inmoralidad sexual. Pa cada un di boso sabi con tene su mes curpa den santificacion. No cu pasion di deseonan carnal manera e pagano nan cu no conoce Dios.(1 Thesalonisenses 4:3-5-7).Pasobra Dios no a yama nos pa ta impuro , ma pa hiba un bida santo.
Pa criminalidad baha nos tur tin cu haci hopi Oracion y sirbi Dios di henter nos curason, nos mester guia nos yuinan riba e caminda di Dios, no riba e caminda di scuridad y violencia.
Pasobra salbacion ta solamente den Cristo Hesus kende a duna su bida pa nos tur cu kere, den dj’E.
