Ora hende ta stima Dios nan ta haci bon y Dios mes ta wanta nan firme riba su caminda.
Den e tempo malo aki, yen di critica, yen di envidia, yen di manipulacion y corupcion.
Caminda hende a perde respet pa nan mes, y pa Dios, nan ta rechasa Dios,cu nan actitud,, hende vengativo ,cu no kier pordona.
Nan ta ninga bon y sigi haci malo, hende kier domina hende, y nos tur ta mirando tur dia con maldad ta avansa, pero tambe nos ta mira e misericordia di Dios , ta sali manera un mantel y proteha su yuinan .
Tene bon cuenta cu ora nos usa e palabra corupcion, no tin nada di haber cu politica ni politico, pasobra tur locual ta wordo haci scondi , bao di man ta corupcion, tur locual ta impuro den bista di Dios, ta corupcion.
Si bo cumpra cos horta ta corupcion, si bo sconde cos horta ta corupcion, si bo ta bende droga bo ta un corupto, si bo ta infiel na bo esposa/esposo bo ta un corupto, si bo ta participa den Bruheria/Idolatria/ Santeria/ bo ta un corupto , gañamento ta corupcion, etc etc. Pero Dios ta fiel , husto, Su amor ta eterno, si bo arepenti di tur esakinan aparta for di maldad y caminda di maldad, entrega bo bida na Hesus Cristo, Dios ta pordona bo pica ( 1 Juan 1 vers 9) ( 2 Cronicas 7 :14+15).
E tempo cu nos ta bibando aden ta manera e tempo di Noe ( Genesis Capitulo 6) pero nos tur ta lesa y compronde segun Mateo capitulo 24 e cosnan lo bira pio,pasobra ta Hesus mes a bisa cu esey lo sosode, pero nos tin un speransa pa bo cual ta para scirbi den Lucas Capitulo 21 vers 36 Hesus ta bisa: Ma sea alerta tur ora bay , haciendo oracion , pa boso por tin forsa , pa scapa di tur e cosnan aki. Y pa para dilanti di e Yiu di hende.
Pesey nos tin di Stima Dios, Haci Bon, y Para Firme, pasobra si nos curazon ta carga cu parranda, buracheria, y e preocuoacion di bida, e dia aki lo bini diripiente riba nos manera un trampa.
Noe a pasa 120 anja trahando e Arca, mey mey di tur critica, nan a yame loco, insulto,pero den tur esey e tabata predica e palabra bisando cu e fin ta serca, pero e hendenan no kier a kere.
Awor como Noe a haña gracia serca Dios, su Famia tambe a wordo bendiciona, pasobra Dios a bise drenta abo y bo famia den e Arca y Señor Dios a sera e porta di e Arca.
Aki nan nos por mira e amor cu Dios tin pa Famia,un homber y un muher a uni y nan a forma un famia, y den tempo dificil, Dios a mantene nan hunto y Dios a salba nan.
E tempo aki no ta miho cu e tempo di Noe, tur caminda tin problema, guera , pester y hopi cos mas, pero di tur e cosnan aki nos por wordo libra , si nos kere den e unico Yiu di Dios cual ta Hesus Cristo nos Senjor y entrega nos bida na dj’E, y asina nos lo tin bida eterna.
Ora bo haci bon pa hende, no worry si bo no haña danki, sigi stima, sea humilde, y si bo tin di ripiti bo bondad, bolbe hacie.Pasobra tin un premio grandi ta spera bo den cielo.
