Pastor Marcel Balootje: Solamente cristo hesus por libra hende di sclavitud spiritual y mental

Romanonan 8:1 ta para scirbi: 

** Pesey awor no tin condenacion pa esnan cu ta den Cristo Hesus.

Juan 3:16-17-18 ta para scirbi: 

** Pasobra Dios a stima mundo asina tanto. Cu E a duna Su Yiu unigenito pa ken cu kere den dj’E no bay perdi, ma tin bida eterno. Pasobra Dios no a manda e Yiu den mundo pa condena mundo, ma pa mundo wordo salba door di dj’E. 

*** Esun cu kere den dj’E no ta condena, ma esun cu no ta kere, ta condena caba, pasobra e no a kere den e nomber di e Yiu unigenito di Dios.

Ta hende mes ta dicidi si nan ta keda esclavo, spiritual of mental of nan ta busca e berdad di Dios, y asina nan por ta liber.

** Sclavitud spiritual y mental ta mucho mas grandi cu sclavitud humano.

Pasobra locual ta domina bo spirito y bo mente esey ta domina bo bida.

Tin mas preso ta cana pafo, cu tin sera den prison, pasobra cada ken cu nan mente ta mara na cosnan cu no ta di Dios, y mas pio ainda ora nan spirito ta obedece, maldad, inmoralidad y abominacion nan ta preso di e enemigo aunke nan ta cana liber.

Pasobra obedencia na Dios ta hiba hende na libertad spiritual y mental, pero obedencia na diabel y pica ta pone carga pisa riba bida di hende.

***Ta pa libertad Cristo a haci boso liber,pesey keda para firme, y no sea someti, na un yugo di sclavitud.( Galationan 5:1).

Cada biaha den nos bida cu nos permiti cosnan drenta cu no ta agrada Dios, nos ta corre e risico di wordo esclavisa pa cosnan di mundo.

Pasobra hopi biaha nos ta participa temporalmente , na algo y nos ta kere cu nos tin dominio riba dje y caba e tin dominio riba nos.

**Wak por ehempel Carnaval, caminda Dios y su Spirito Santo no tin nada di haber.

Cada biaha cu un hende ta participa den carnaval activamente bailando indecente, bebiendo y parandiando, ta su carni a provoke . For di e momento cu e a pensa di participa , e a activa bagamunderia, pasobra hende cu sano huicio sa di e peliger , personal, spiritual y mental cu e ta corre. 

** Esaki ta keda compara cu adulterio spiritual; (Isaias 1:21) ,( Isaias 57:8) ( Jeremias 3;20).

Esclavitud a wordo aboli pa hopi aña caba, den hopi pais rond mundo, pero te ainda tin paisnan caminda keto bay esclavitud ta presente.

Nos ta papia awor di esclavitud moderno, pero tene cuenta cu diabel tin su instrumentonan moderno, pa esclavisa hende.

Pero no tin nada mas tristo, ora un hende ta permiti diabel domina su mente y su spirito cu maldad y inmoralidad, pasobra libertad den Cristo Hesus ta na alcance pa nos tur.

Pasobra buscando fabor di hende, nos a perde tur temor di Dios, y ta aproba y apoya inmoralidad, sabiendo tur e maldad cu tin su tras, y pa cobardia ta tolera abominacion.( Genesis 32).

Pesey no permiti pica reina den boso curpa mortal,asina cu boso mester obedece su pasionnan, y no sigi presenta e miembronan di boso curpa, pa pica como instrumento di inhusticia:

Ma presenta boso mes na Dios,como esnan bibo for di e mortonan,y boso miembronan como instrumento di husticia pa Dios. Pasobra pica lo no tin dominio mas riba boso,pasobra boso no ta bao di lei, ma bao di gracia.( Romanonan 6:12-18).

 No wordo venci door di pica, pero entrega bo bida awe mes na Cristo Hesus.