Mayor ta esun cu tin cu splika su yiu tur cos den bida, no cu orguyo, ni tampoco cu arogancia, pero cu sinceridad, reconociendo cu abo como mayor ta formado di e futuro di bo yiu, y bo ta e piesa principal den su crecemento, pasobra tur locual abo keda sin atende ,coregi, of keda sin disiplina awe, por trece consecuencia grave majan cu Dios kier.
Tur cas mester tin regla y ta e mayor ta responsabel pa esey, ta abo como mayor mester establece orden un mayor nunca por ta neutral y laga un mucha haci locual cu e kier.
Mayor mester ta sincero cu su yiu y bise cu locual e daña den su bida e mayor no por dreche pe , pa asina e lanta cu e pensamento pa biba drechi, pasobra ora e haci algo robes, aunke e mayor grita y busca 10 abogado, nan no por kita e daño cu desobedencia a causa.
TENE CUENTA CU DESOBEDENCIA TIN 4 CONSECUENCIA.
Desobedencia na e Palabra di Dios.: Ta e parti mas importante den nos bida, pasobra sin obedencia na e palabra di Dios, nos no tin futuro ( Efesios capitulo 6 vers 1-4), aunke awendia materialismo ta pone cu no ta tene cuenta cune, pero esaki ta base di bida, Pesey e palabra di Dios ta bisa mi pueblo ta perece pa falta di conocemento ( Oseas capitulo 4 vers 6)
Desobedencia Fisico: Tur hoben mester sa cu e curpa cu nan tin no ta di nan ,pasobra e curpa ey ta tempel di Dios y e Spirito di Dios ta biba den dje, pesey no solamente mester forma curpa den gym, pero mester ta hopi conciente, pa no entrega curpa na perversidad, pasion baho, droga/ alcohol, y inmoralidad . Pasobra e curpa cu bo tin awe ta e mesun curpa lo bo tin majan cu Dios kier.
Desobedencia Emocional: Hopi biaha e hoben no kier tende, cu tin un hora pa sali cas y un ora pa yega cas, cu no ta tur cos cu amigo/ amiga bisa esey ta cos di haci, pa controla emocion riba caya den tur cos, especialmente den asunto di violencia, relacion sexual, pasobra tin hopi hoben cu a perde nan hubentud, y hasta a perde bida , pa motibo cu emocion no a wordo controla, hoben ta cla pa demostra ken e ta y den ningun circumstacia no kier bek atras, y tambe ta yena cu Odio y vengansa.
Desobedencia ta causa daño Mental:Cuanto hoben awendia no por para reponsabel pa nada, tampoco tin estudio, no por hanja trabao, pa motibo cu nan a pone uso droga y alcohol como e cos di mas importante pa nan bida, ta hopi tristo pa mira un hoben benta abao, sin sa na unda e ta, of a causa accidente burachi/droga,hoben den flor di su bida ya caba ta un adicto cu tur consecuencia mental cu esey por tin cune. Tur esaki ta bini door di e desobedencia.
Ezequiek capitulo 18 vers 20 ta para skirbi: E persona cu peca lo muri. E yiu homber lo no carga castigo pa e inikidat di su tata, ni e tata lo carga castigo pa e inikidat di e yiu homber . Husticia di e husto lo ta riba e mes.Y maldad di e malbado lo ta riba e mes.(Romanonan 14:12).
Como mayor nos mester ta sincero cu nos yiu, y splike e cosnan manera nan ta, pasobra Dios su palabra no ta cambia.
