Tin un dicho cu ta bisa mal fama tambe ta fama, pero esey no ta conta pa hendenan cu ta sirbi Señor di curazon.
Salmo 37 : 3 ta bisa :Confia den Señor y haci loke ta bon,biba den e tera y alimenta bp mes cu Su fieldad,
Na e momento aki mundo henter tin mester di hacidornan di bon , pasobra bondad ta schaars, hende ta wak mas pa nan mes cu pa otro hende, hende no ta tene cuenta cu otro , egoismo, y orguyo ta domina hasta den cas di famia ,
Hende ta biba cu e pensamento cu locual ta dimi , ta dimi y locual ta di bo ta dibo.
Pero hopi no ta corda cu ora nos wowo sera nos no ta bay cu nada,
Dicon Dios kier pa nos haci bon?
Pasobra haci bon ta agrada Dios, haci bon ta demostra cu nos ta yiu di Dios, haci bon ta pone cu nos ta bay ricibi bon , unda cu nos bay,
Salmo 34:14 ta bisa: Aparta bo mes for di maldad y haci bon, busca paz y siguie. E palabra aki ta hopi necesario pa nos hubentud , cu tur dia ta tende, mira y scucha maldad, y hopi ta wordo influencia, door di esaki , y nan comportacion ta cambia.
Caminda tin violencia domestico tur dia, e comportacion di mucha ta cambia, pero caminda tin bondad y amor e comportacion di e mucha ta florece, cu na tur momento e mucha ta alegre.
Ta pesey e palabra di Dios ta alerta nos pa haci bon tur momento.
Lucas 6 vers 35 + 36 ta bisa : Ma stima boso enemigonan y haci bon y fia sin spera di haña nada bek,y bpso recompensa lo ta grandi y boso lo ta yiunan di e Haltisimo, pasobra e mes ta cariñoso pa e ingratonan y malbadonan. Sea misericordioso mescos cu boso Tata ta misericordioso.
E necesidad di haci bon ta tur caminda, materialixmo tin miyomes di hende ta sin cas y ta muri di hamber,
Nos como pueblo di Dios tey pa haci un diferencia, pasobra tin hopi lugar na mundo caminda cuminda ta wordo tira afo tur dia mientras cu den e pais ey tin barionan, caminda tin mycha cu no tin un pida pan.
Fruta y berdura ta wordo di dump pa asina mantene e preis balansa, y toch no ta wordo duna na e pober,
2 Tesalonicences 3 vers 13 ta bisa : Ma boso rumannan no cansa di haci bon.
Hebreonan 13:16 ta bisa: No laga di haci bon y di comparti cu otro pasobra sorto di sacrificio asina ta agrada Dios.
1 Pedro 3 :10 ta bisa : Y laga esun cu kier stima bida y mira dianan bon, frena su lenga di locual ta maldad y su lipnan di papia engaño y lage aparta su mes di maldad y haci bon , lage busca paz y siguie.
Gosa di bo bida no ta nifica bebe , balia , parandea tur dia , cambia pareha cada rato , no absolutamente esey ta nifica destrui bo bida. .
Laga nos haci bon na tur hende, pasobra esey ta agrada Dios,