No ta existi respet parcial, sea e ta completo, of bo no ta respeta, of bo ta orguyoso, bo ta sinti bo mas cu otro hende, bo ta halsa bo mes, of bo kier pa hende halsa bo,y e punto di mas tristo ta ora bo ta discrimina hende, cual ta un hecho cu Dios ta desaproba.
Awendia hopi biaha nos ta puaba coregi hende cu no ta cana den e boluntad di Dios, y nan ta bisa cu nan ta wordo discrimina, pasobra nan ta mire como ofensa ,y esey no ta berdad, pasobra que hubo bo ta apresia na mundo y rechasa den bista di Dios manera Dios su palabra ta bisa.Nos tin di reconoce cu Dios ta Creador di tur cos y si Dios bisa algo ta abominable, e ta abominable.
Y falta di respet ta algp abominable, pasobra nos ta mustra den esey, cu nos no ta stima otro manera ruman, pasobra no haci cu ningun hende , locual abo no kier pa nan haci cu bo. Stima hende, pa bo por stima Dios.No haci negoshi cu emocion di hende pa asina logra locual cu bo kier , pasobra esey tambe ta falta di respet.
Pedro a bisa den Hechos 10:34 Di berdad mi ta compronde cu Dios no haci ta distincion di persona, ma den tur nacion e hende cu ta teme Dios y cu ta haci husticia ta aceptabel pa Dios.
Aki nan nos ta mira con importante y fuerte respet ta wordo mira den bista di Dios.
Tur cos ta cuminsa na cas, nos yiunan tin cu mira respet na cas, pa nan siña respeta, y pa nan por duna respet tanto na nan mayornan y na concuidadano.
Pero ora nan lanta den un cas cu no tin respet, no solamente ta un dolor di cabes pa nan mayor , cu no a siña nan respeta, pero henter un comunidad.
Pasobra aunke un persona ta bon studia, y su karakter ta arogante, manipulador y sin respet, cu ni di su mayornan e no ta scucha, su studio ta perde balor y su integridad y personalidad ta tambalia.
Asina serio respet ta pa nos bida,un bida di respet ta un bida di oro, pasobra na tur momento nos ta ripara cuanto falta di respet tin rond di nos.
Nos hubentud mester di guia, y un parti hopi importante ta Respet, respet pa nan mes, pa hende grandi, pa autoridad, pa gobierno, tambe den nan manera di expresa, y bisti.
Mateo 7:12 ta bisa cu tur locual nos kier pa hende haci cu nos, laga nos haci mescos pa hende. Den un palabra ora cos ta hanchu pa abo y small pa otro hende tambe ta falta di respet.
Respet no por wordo impone cu violencia, pasobra un hende mester compronde kico ta respet y asina respeta su mes pa e por respeta otro hende.
Un hende cu ta respeta no ta desea cos ni posicion di otro hende.
E ta contento cu locual cu e tin.
Ora bo tin respet , bo ta demostra cu bo conoce Dios y den esey hende lo reconocebo.
Placa no por cumpra respet, ta bo mes tin cu haci respet un ehempel grandi pa bo bida.
