Mira Ami ta e Dios di tur carni, acaso tin algo cu ta muchu dificil pa Mi? ( Jeremias 32:27).
Ma E a bisa,e cosnan imposibel pa hende ta posibel pa Dios.( Lucas 18:27).
Y Hesus a keda wak nan y a bisa nan: Serca hende esaki ta imposibel,ma serca Dios tur cos ta posibel.(Mateo 19;26).
Hesus a bise: “Si bo por” Tur cos ta posibel pa esun cu ta kere.(Marco 9:23).
Y despues cu E a drenta e cas, e hombernan ciego a bini serca dj’E, y Hesus a puntra nan: Boso ta kere cu mi por haci esaki. Nan a contest’E :”Si Señor”.
E ora ey E a mishi cu nan wowo bisando:” Cu sosode cu boso segun boso Fe, y nan wowo a wordo habri.( Mateo 9:28-30).
Den tur situacion cu nos por ta den , e poder di Dios, semper tey pa libra nos, pa sana nos, y pa cuida nos.
Dios nunca ta priminti algo y despues E ta bay wak si e por hacie , pasobra Dios ta Dios riba su mes e no ta depende riba ningun hende.
E no ta priminti algo y despues E ta tira e culpa riba otro hende cu E no a logra.
Nos Dios no ta mediocre, nos no por compara Dios cu hende, E ta TodoPoderoso, Onmiciente y Omni potente .
Y observando tur esaki nan , nos ta yega na e comprendemento y e crecemento spiritual, cu nos por confia den Dios pa tur cos aunke kico hende por bisa, nos por confia den Dios riba resultado di tur dokter, pasobra Dios no ta mara na resultado di dokter, tur cos ta posibel pa esun cu ta kere.
Te ainda ni ningun avance mundial den ciencia y technologia, no por alcansa e poder infinito di nos Dios Todopoderoso.
Un muher cu 12 aña largo tabatin un derame si sanger,cu a sufri masha na man di hopi dokter, y cu a gasta tur loke e tabatin, sin cu e a wordo yuda, ma mas bien a bira pio, ora cu e a tende tocante di Hesus a aserca Hesus den e multitud cu tabata Su tras y amishi cu su mantel.Pasobra e a bisa: Si mi djis mishi cu Su paña , lo mi bira bon. Y mesora su derame di sanger a stop, y e a sinti den su curpa, cu e cura di su afliccion.(Marco 5:25-29).
No ta importa cuanto hende tin bo dilanti, serca Hesus ningun hende tin di haci afspraak , ni tampoco manda app, e sistema di Computer di Hesus nunca no ta down y Hesus tey tur momento cu nos mester di di dj’E, ta nos mester yama riba su nomber cu Fe, y E ta contesta nos oracion.
Awor na Esun cu ta poderoso pa haci tur cos muchu mas abundantemente di loke nos ta pidi of pensa, segun e poder cu ta obra den nos. Y na dj’E sea e gloria den Iglesia y den Cristo Hesus den tur generacion,pa semper y semper , Amen. ( Efesionan 3:20-21).
Na Dios tur e Gloria cu nos por depende 24/7 riba Dios, Dios semper tey pa nos, Dios nunca ta lubida riba nos .
Na e momento nan aki nos isla tin mester di Dios, y tur esnan cu tin fe den Dios y cu no ta duda y cu no ta haci bofon di Dios, pero cu ta kere den profundidad di nan curason cu Dios ta capas pa yuda nos, lanta ariba y sclama na Dios .
