Ta siman di tata, y diadomingo awor ta dia di tata, y nos tur sa e importancia di un tata den cas.
Tata su lugar den cas ta esencial, Dios mes a dune e posicion ey pa e guia su Famia den boluntad di Dios.
Tur tata ta responsabel dilanti di Dios pa nan hogar y nan yiunan. Beibel ta bisa nos cu e homber cu no ta provee pa su yiunan ta peor cu un pagano, 1 Timoteo 5:8.
Tur bo yiunan mester wordo dirigi na Señor pa bo mes bienestar y di comunidad.
E lugar di un tata ta dificil pa reemplasa, pero tampoco ta algo di manipula cune, e ta mas cu un deber e ta un yamada di Dios cual bo tin cu cumpli cune.
Tin hopi tata ta lubida cu nan mester duna cuenta na Dios, 72% di muchanan cu ta cay sera ta muchanan cu no tin tata den cas, y sigur hopi mucha cu ta cay den embarazo hubenil tambe ta motibo cu no tin tata den cas.Un tata su deber pa splica su yiu homber pa no cana saca mucha muher na estado, pasobra esey no ta bon.
Hopi tata kier duna nan yiu tur cos material, placa cas, auto, telefon,scooter etc, pero que hubo di presenta e Dios cu bo ta sirbi na bo yiunan.
Bo yiunan ta mira den bo un muestra cu abo ta sirbi Dios? Ora bo ta coregi bo yiunan , a base di kico bo ta coregi nan , for di cual fundeshi bo ta sacabo coreccion, ken ta e modelo, y di ken bo ta depende?
Esey ta un problema hopi grandi cu nos tin awendia, cu hopi tata kier coregi y pone ordo pero nan mes no ta un modelo pa nan yiu wak riba dje.
Den e buki di 1 Cronicas Capitulo 28 vers 9 David ta papia cu Salomon su yiu bisando: Pa loke ta abo mi yiu Salomon, conoce e Dios di bo tata y sirbi Dios cu henter bo curazon, y cu un alma boluntario,pasobra Señor ta scrudiña tur curazon y ta compronde tur intencion di pensamento, Si bo busca Dios lo bo hanja Dios, mas si bo bandona Dios E lo rechasa bo pa semper.
David tabata conoce Dios y por a recomenda Dios na su yiu, den e tempo trabahoso cu nos ta biba , como tata bo mester ta conciente cu bo yiu mester di Dios,pero nos ta concentra riba tur sorto di cos, pero poco riba Dios,Ta pesey nos no tin pia Spiritual pa para riba dje como tata.
David ta bolbe ripiti den 1 Cronicas 28:20 na Salomon.
Sea fuerte, tene curashi y actua, no tene miedo,ni desmaya,pasobra Señor Dios, mi Dios, ta cu bo,e lo no fayabo, ni bandonabo. Ora un mucha ricibi un palabra asina di su tata, ta imposibel cu e por bay cana den geng y busca arma, pa defende su curpa, pasobra su tata a bise ken ta e Dios di su tata , y cu e Dios di su tata por bira su Dios tambe.
Tin hopi tata cu nan Dios ta: Whiskey, Droga, Adulterio, Auto, etc, y pa e motibo ey nan no por instrui nan yiu den un caminda di Dios. Pero abo como tata tene na cuenta cu bo mester cumpli cu e boluntad di Dios, esey ta pa abo instrui bo yiu den caminda di Dios.
Tur tata ban tuma tuma tempo pa pordona , respeta y restaura bo famia de nomber di Hesus.
Sinceramente
