Mateo 12:30 esun cu no ta cu Mi ta contra Mi,y esun cu no ta recohe hunto cu Mi, ta plama.
Ta hopi hende tin cu ta gaña nan mes, cu no ta respeta Dios, rebelde , ireconciliabel, cu no kier pordona, cu ta kere den mentira y no ta realisa cu nan a wordo engaña y cu diabel tin nan mara.
Hende nan cu ta kere cu nan ta felis, cu nan por biba manera nan kier, y hasta pensa cu enbes di nan somete na Dios, Dios tin cu tolera nan forma di bida y nan actitud.
Dios ta odia pica, pero Dios ta stima tur hende pesey mes E a manda su Yiu Cristo Hesus pa nos kere den dj’E y ricibi bida eterna.
E tempo aki ta mustra net contrario, cu hende ta gaña y nan ta wordo engaña, tin biaha nos ta nota con facil hende ta permanece den inmoralidad y idolatria, teniendo na su alcanse e salida for di maldad.
E enemigo kende ta doño di scuridad, no tin cuenta cu ningun hende y ta amplia su net di maldad cada dia mas y mas, pasobra hopi ta lubida cu e palabra di Dios ta bisa cue e diabel a bini pa horta, mata y destrui.
Cuanto biaha nos no ta lesa e siguiente frase den bijbel caminda ta para scirbi: No laga ningun hende gaña boso,y tambe ta para scirbi: No gaña boso mes.( Galationan 6:7).
Pesey poniendo mentira un banda, kada un di boso papia berdad cu su prohimo, pasobra nos ta miembro di otro.( Efesionan 4:25).
Dios ta wak kada hende su curason, Ta Dios tin control riba nos bida, esey no ta den nos man.
Tin hopi hende ta kere cu nan mes ta dirigi nan bida y esey no ta berdad.
Hibando un bida di pica nos ta gaña nos mes , pasobra di ningun forma nos ta agrada Dios, ningun hende por haci bofon di Dios, tur locual un hende sembra e lo cosecha.
Si bo malcria un mucha for di chiki, bo no ta coregi ni tampoco disiplina, awel no spanta, ora bo malcriansa duna fruta , na un mucha bandido, y despues bo mes cara lo keda na berguensa.
Si bo sa masha bon cu droga ta un di enemigonan mas grandi di bida di hende, no bisa e no ta haci nada, mientras cu e ta hiba bo na adiccion y destruccion.
Si bo ta bon na altura, cu adulterio ta destrui, bo integridad, bo matrimonio, bo famia, pakico bo ta persisti di keda den un asunto asina, demostrando bo mes como un hende bobo.cu no ta interesa den su propio bienestar.
Hopi hende a purba caba cu alcohol, pero hopi alcohol a caba cu nan, bo no ta kere cu a yega tempo pa tuma un bon decision y stop di bebe.
Dios ta spierta nos cu su palabra tur dia, pero hopi hende no kier arepenti, alcontrario nan ta busca tur manera pa keda mara den scuridad, bisando “asina mi ta y asina mi ta keda”.
Esun cu ta laga di usa bara, ta odia su yiu, ma esun cu ta stime ta disipline for di tempran.
Laga nos no purba di tapa solo cu un dede, pasobra e dianan ta difcil y e tempo ta trabahoso.
Nos tur mester permanece den oracion, pasobra nos tur ta vulnerabel, nos cada un mester haci oracion pa otro.
Pakico boso ta yamami Señor, Señor y no ta haci locual mi ta bisa.( Lucas7:46).