Nos tur mester corda e palabra nan cu nos a siña for di chikito: Gloria na Dios den haltura , y na tera pas mey mey di hende cu ta agrada’E.” ( Lucas 2:14)
Si nos ta bisa cu nos tur ta yiu di Dios, con por ta posibel cu tin meymey di nos tin hendenan cu no kier agrada y no kier respeta Dios su autoridad ?.
Tur cos ta cuminsa cu nos salbacion, nos bida entrega na Cristo Hesus cual no ta religion pero ta un relacion y un necesidad, pasobra Cristo Hesus mester tin e prome lugar den nos bida.
Ora un persona ta agrabel pa bo, ta nifica cu e persona, ta respeta bo, e persona ta admira bo, y e persona no ta ofende bo, asina e ta demostra cu e ta agradel y por forma parti di bo kring di amistad, cual ta algo normal den nos tur su bida. Nos Dios merece mas cu esey.
E mensahe den Lucas 2:14 no ta cualkier mensahe, e ta un base pa bida . E ta un pilar cual por wordo usa pa edifica famia riba dje, pasobra ta masha importante ora hende ta agrada Dios.
Ora nos ta agrada Dios, E ta warda nos curason den un posicion di victoria (Filipensenan 4:6-7), E ta duna nos un mente positivo,goso, salud,husticia y speransa.
Ta imposibel pa nos por agrada Dios, cu dobbel animo, cu rechaso di Su Palabra y Principionan , cu dobbel personalidad, cu orguyo, arogancia,cu curason dobbel inconstante den tur nos camindanan, conociendo e berdad, pero ta apoya maldad, pa amistad, y iresponsabilidad.
Ora bo tin dos mayor cu ta bebe y droga tur dia, no por tin pas na cas entre nan y e yuinan, pasobra na prome lugar nan comportacion no ta den boluntad di Dios , y nan mes como mayor ta trece dolor y angustia den cas, y stroba e muchanan di por crece bon y agrada Dios.
Cada decision cu nos ta tuma , nos no mester wak riba hende, pa complace cu hende, pero tene cuenta si e decision ey ta agrada Dios, pasobra locual awe nos ta sembra cu harimento, mayan e por bini bek pa nos den lagrima, pasobra nos a wak riba hende y no a grada Dios.
Ta mescos cu bo fia bo yiu menor di edad, sin rijbewijs e auto di e compania caminda bo ta traha a confiabo cune, pa e sali cu su amigonan pa bay fiesta, y mas despues polis ta yama cas y pidibo pasa hospital urgente, pa motibo di accidente. Nos mester ta responsabel ora di complace.
Tin engaño den curason di esnan cu ta planea maldad,ma conseheronan di pas tin tin goso.( Proverbionan 12:20).
Paz ta depende di puresa di curason di hende, hende cu curason impuro no tin pas, pasobra curason di hende impuro ta dividi.
No tin pas pa e malbadonan”mi Dios ta bisa. ( Isaias 57:21).
Pesey hustifica pa medio di fe, nos tin pas cu Dios,door di nos Señor Hesus Cristo, door di kende tambe nos a haña entrada, pa medio di fe den e gracia aki, den cual nos ta para, y nos ta regociha den speransa di e gloria di Dios.(Romanonan 5:1+2).
Aspira pa tin pas cu tur hende, y santificacion ,sin cual ningun hende lo mira Señor. ( Hebreonan 12:14 ). Nos ta yama pa sembra pas, y nada di discordia, nos ta yama pa encurasha, y no descurasha, nos ta yama pa bendiciona y no pa nos ta piedra di trompica,
