Si boso keda den Mi y Mi palabranan keda den boso , pidi tur locual boso kier, y esaki lo wordo haci pa boso.
Den esaki Mi Tata cu ta wordo glorifica, cu boso ta carga hopi fruta, y asina demostra di ta Mi disipelnan.(Juan 15:7+8)
Esaki ta un promesa na nos tur, pa asina nos obedece Hesus y permanece den dj’E pasobra lew for di dj’E nos no ta logra nada, un ranca no por produci si e no ta pega na e mata.
Djis wak con e hende a bira net contrali, y hopi ta spera cosnan di Dios, pero nan actitud ta demostra cu nan curason ta leu for di Dios.
Bon deseo ta sali for di bon curason, pasobra mal deseo ta sali for di mal curason, ningun caminda den Bijbel tin para scirbi deseonan pa descurasha hende, pero semper Hesus su deseo ta pa nos prospera, y e a duna nos tur Su cooperacion, pa nos bay dilanti asina cu nos ta kere den dj’E.
Ningun mayor no por desea su propio yui malo, pasobra ora bo ta desea bo yiu malo, ta bo mes bo ta desea malo.
Ora un esposa/esposo ta desea otro malo ta su mes e ta desea malo pasobra boso ta un solo carni.
Ora un hende ta desea su prohimo malo, ta pasobra e no conoce Dios, pasobra Dios ta bisa stima bo prohimo manera bo mes.
Nos tey pa preveni otro di cay den pica y asina faya cu Dios, pasobra dilanti di Dios tur hende ta mesun hende, pero locual Dios ta odia ta e pica cu ta biba den hende pa motibo di nan propio escogencia.
Dios no tin hende preferi.
Dios no ta haci acepcion di persona.
Dios no ta negocia cu pica.
Dios no ta acepta conseho di malbado.
Dios no ta midi cu dos midi.
Dios no ta sconde maldad di hende pa amistad, ni tampoco pa motibo di famia.
Dios ta santo, y den su presencia maldad/ inmoralidad no por permanece.
Ta pesey nos tur mester arepenti diaramente, di tur cosnan robes cu nos haci sea pa obra of pensamento.
Pasobra boso wordo yama pa libertad , rumannan, solamente no usa boso libertad, como un oportunidad pa e carni, ma laga un sirbi otro pa medio di amor.( Galationan 5:13).
Ora nos ta desea otro bon , nos ta demostra cu nos ta yiu di Dios, pasobra ningun hende no tey pa kibra of venga otro, pero nos tey pa stima otro mescos cu Cristo ta stima nos, ta pesey Dios su palabra ta bisa cu nos tin cu laga tur orguyo, arogancia, y amargura un banda pasobra e cosnan ey ta contamina hende su bida.
Un hende amarga por contamina henter un cas, henter un departamento, henter un negoshi, pasobra hende amarga ta pone presion riba otro pa nan pensa mesun cos cune, haci mes un cos cune, y hasta biba mescos cune.
Dios den su amor y misericordia a duna nos un bon plan pa nos bida ( Jeremias 29:11) pa asina e enemigo presenta cu otro plan , nos por reconoce cu e no ta bini di Dios.
E plan di droga, alcohol, violencia, tiramento, hit and run, drive by shooting, violencia domestico, gang,stuurmento burachi,etc, etc, no ta plan di Dios pa bida di hende.(Galationan 5:19-21).
Dios no ta permiti hende haci malo pa nan bay sera, pero ora hende ta escohe pa maldad ( Santiago 1:13+14+15) e ta cosecha locual cu e a sembra.
Nos tur tey pa encurasha otro y edifica otro den Señor.
