Na prome lugar nos ta pidi disculpa pa e tikfout den e mensahe di ayera tocante Dominio propio e
versiculo corecto mester ta Galationan 5 : 22-25. Pasobra ta nos deber di duna informacion completo y
corecto.
Ora bo ta confia den Dios Todopoderoso,y entrega bo bida na Cristo Hesus , y wordo guia pa Spirito
Santo, nada cu hende kere cu nan por haci stroba e proposito di Dios cumpli den bo bida lo no tin
exito, pasobra locual Dios pone pa abo ta pa abo.
Tuma esaki como un mensahe personal, pasobra Dios ta deal cu cada un di nos personalmente, Dios
conoce tur hende na nomber y faam y adres.
Dios no ta ekiboca Su mes.No laga nos lubida cu ta Dios a forma cada un di nos den barica di nos
mama, cielo y tera lo pasa, ma Dios su palabra lo no pasa.
Pesey ta doloroso ora cu Dios lanta un hende forme como un lider y despues e persona kier haci locual
cu e kier, lagando a proposito di Dios un banda. Bo ta corda kico a pasa cu Jonas? Jonas a kere cu e
por a haci locual cu e kier, pero e a resulta den barica di pisca, pa e por a arepenti y haci locual cu Dios
a mande haci.
Awor tocante di ofensa y rechaso, hopi biaha ora hende ta rechasa bo, ta nifica cu Dios ta protehabo,
awor bo ta puntra proteha bo di kico?.
Dios den su inmenso amor kier proteha bo di yugo desigual
Dios kier proteha bo di mal amistad, di hende falso.
Dios ta mira mas lew cu abo por mira, y E sa e plannan cu E tin pa bo bida.( Jeremias 29:11)
Dios no kier pa bo bay perdi, Dios kier proteha bo for di gara di e enemigo.
No ta tur cos cu ta lombra ta oro, tin hende ta priminti sabiendo cu nan no tin nada pa ofrece.
Especialmente pa nos hobennan, ora amigonan ta rechasa bo no forsa amistad, ta Dios ta proteha bo
for di nan.
Tin biaha como mucha homber of mucha muher bo ta lucha pa ta cu cierto hende, pero e ta rechasa bo,
ta pasobra ta Dios kier spaar for di brasa di un malbado.
Tin biaha bo ta yega na porta di un lugar y nan no ta laga bo drenta, no worry Dios ta mustra bo cu e
lugar ey no ta pa bo.
Hose su priopo rumannan a rechase, pero e a bira Gobernador di Egipto..
David su propio rumannan a rechase pero e a bira rey riba Israel.
Job su amigonan a rechase y ofende pero Dios a lante bek mas grandi di locual e tabata.
Hesus a wordo rechasa pa henter e pueblo, pero Dios a lanta Hesus for di morto como Rey di Reynan
y Señor di Señornan.
Rechaso y ofensa di hende ta trece desanimo, pero palabra di Dios, ta lanta hende pasobra palabra di
Dios tin poder pa reconcilia, y reafirma nos bek riba e caminda, pa bay dilanti, nos no ta papia di
motivacion cu ta haci hende contento, pero palabra di edificacion, cu ta yena bida di hende cu gracia.
Dios no ta yama nos pa ta impuro, pero pa nos ta santo, pa nos ta firme, pa nos ta fiel, pasobra esun cu
rechasa Palabra di Dios , no ta hende e ta rechasa , pero ta Dios mes e ta rechasa.
Hopi ta e afliccionnan di e husto,ma Señor ta libre di nan tur.
Sinceramente, Pastor Marcel Balootje.
