Mi a stimabo cu un amor eterno pesey cu misericordia Mi a halabo. ( Jeremias 31:3).
E ora ey Dios a bisa, laga Nos traha hende segun Nos imagen conforme Nos semehansa, y laga nan goberna riba e piscanan di laman,y riba para nan di cielo,y riba e bestianan di cria, y riba tur bestia cu ta lastra riba tera.
Y Dios a crea hende segun Su mes imagen, segun e imagen di Dios. E a crea hende, homber y muher E a crea nan.Y Dios a bendiciona nan y Dios a bisa nan, Sea fructifero y multiplica, y yena e tera, y haci esaki somete na bo, y goberna riba e piscanan di laman, y riba e para nan di cielo, y riba tur ser bibo cu ta move riba tera.( Genesis 1:26-28).
Asina tur cos a cuminsa, pero ora pica a drenta mundo pa medio di Adam. Dios a bolbe mustra su misericordia atrobe cu e mundo completo y den Juan 3:16 ta para scirbi: Pasobra Dios a stima mundo asina tanto, cu E a duna su Yiu unigenito,pa ken cu kere den dj’E, no bay perdi ma tin bida eterna.
Pasobra Dios no a manda e Yiu den mundo pa condena mundo. Ma pa e mundo wordo salba door di dj’E. Esun cu kere den dj’E no ta condena, esun cu no ta kere ta condena caba, pasobra e no a kere den e nomber di e Yiu unigenito di Dios. ( Juan 3:17-18).
Y awor aki tur hende por scohe pa kere den Cristo Hesus y sali for di bao di condenacion y asina ricibi bida eterna of bo ta scohe pa keda biba bao di condenacion.
Tin hende ta kere cu tin free for all , y cu nan por sirbi dos Dios, esey no ta posibel, pasobra ta locual bo escohe y biba pe awe, ta locual lo bo cosecha mayan ora nos Señor presenta pa busca su pueblo.
Pesey tur locual nos ta mira ta manifesta den mundo awor aki, nos ta bon na altura cu ta scogemento di hende, pasobra hende mes scohe entre berdad of berguensa, entre inmoralidad of puresa.
No lubida, nos como ser humano tin gran balor of mihor bisa nos ta extremadamente valioso y stima den bista di Dios, ( Mateo 6:23).
Pasobra pa gracia nos a wordo salba pa medio di Fe, esey no di boso mes, e ta e don di Dios: no como resultado di e obranan, pa ni un hende no gaba.( Efesionan 2:8-9)
Boso a wordo cumpra pa un preis,no bira esclavo di hende. Rumanan laga cada hende keda dilanti di Dios, den e forma cu e a wordo yama.(1Corintionan 7:23-24).
Ma Dios a demostra Su mes amor pa cu nos den esaki,cu tempo nos tabata pecado ainda, Cristo a muri pa nos. ( Romanonan 5:8).
Boso no sa cu boso ta tempel di Dios, y cu e Spirito di Dios ta biba den boso. Si un hende destrui e tempel di Dios, Dios lo destrui e , Pasobra e tempel di Dios ta santo, y esey ta loke boso ta.(1 Corintionan 3:16-17)
Of boso no sa cu boso curpa ta tempel di Spirito Santo,kende ta den boso, kende boso tin di Dios, y cu boso no ta pertenece na boso mes? Pasobra boso a wordo cumpra pa un preis, pesey glorifica Dios den boso curpa.(1 Corintionan 6:19-20).
Pesey si un hende ta den Cristo, ta un criatura nobo e ta, e cosnan bieu a pasa caba, ata, tur cos a bira nobo.
