No ta cumbini ningun hende pa papia malo di otro, tampoco biba den pasado di otro, y huse como un kruk di ofensa pa pone otro trompica, pasobra esey no ta bini di Dios, pero for di e mundo di scuridad. E mundo ta bayendo den un direccion scur, y hopi ta esnan cu ta cay den e trampa, di aparta for di e caminda di seriedad, etica y moral, rechasando e palabra di Dios, cu na su tempo ta haci daño na nan mes.
Tene bon cuenta cu locual Dios ta bisa:
Esakinan ta cosnan cu boso mester haci, papia berdad cu otro, administra huicio,berdad y pas den boso portanan di stad. No laga ningun di boso planea maldad contra otro den boso curason,no stima huramento falso, pasobra tur esakinan ta cosnan cu Mi ta odia, Señor ta declara. ( Zacarias 8:16-17).
Esun cu cana den rectitud ta cana confiadamente, ma esun cu perverti su camindanan lo wordo descubri.(Proverbionan 10:9)
Esun cu ta cana haci redo ta saca secreto, ma esun cu ta di confia ta tapa e asunto.( Proverbionan 11:13).
Esun cu ta fiel den cos masha chikito, ta fiel tambe den hopi, y esun cu ta inhusto den un cos masha chikito, ta inhusto tambe den hopi.
Si boso anto no tabata fiel den uso di rikesa inhusto, ken lo confia boso cu e berdadero rikesa?
Y si boso no tabata fiel den uso di loke ta di otro hende, ken lo duna boso loke ta di boso mes? (Lucas 16:10).
Pasobra e anciano (lider of tata di Famia) mester ta sin reproche,como mayordomo di Dios, ( Dios a pone homber como cabes di cas y mayordomo di Dios den su hogar), no cabesura, ni lihe pa rabia,no bisia na biña, no violento,no golos pa placa,sino un hende cu ta practica hospitalidad, cu ta stima loke ta bon, cu ta sobrio, husto santo y disiplina . Cu ta tene firme na e palabra fiel, cu ta segun e siñansa, pa e por exhorta cu doctrina sano y refuta esnan cu ta contradeci.( Tito 2:7).
Den e tempo cu nos ta bibando aki tur mayor mester hala mas serca Dios y busca guia di Dios pa nan hogar pasobra tempo ta trabahoso.
Mihor un pober cu ta cana den su integridad,cu esun cu ta perverso den su caminda, maske e ta rico.
( Proverbionan 28:6).
Esun cu ta confia den su mes curason lo ta bobo, ma esun cu ta cana cu sabiduria lo wordo libra.(Proverbionan 28:26).
No gaña boso mes , como cu boso a pone un banda e hende bieu cu su praticanan malbado, y a bisti e hende nobo, cu ta wordo renoba den un conocemento berdadero , segun E imagen di esun cu a crea e.
(Colosensenan 3:9-10).
Lipnan mentiroso ta un abominacion pa Señor, ma esun cu ta trata cu fieldad ta Su delicia. ( Proverbionan 12:22).
Integridad di e rectonan lo guia nan, ma perversidad di e traidornan lo destrui nan. ( Proverbionan 11:3).
Ta mihor tuma refugio den Señor cu confia den hende.( Salmo 118:8).
E zonido di gritonan di alegria y di salbacion ta den e tentnan di e hustonan, e man drechi di Señor ta haci, cosnan grandi. E man drechi di Señor ta halsa, e man drechi di Señor ta haci cosnan grandi.( Salmo 118:15-16).
Si nos cada un encurasha otro tur dia, bendicion lo reina tur caminda, tur hende lo ricibi gracia y fabor, di Dios, pasobra tur hende merece un oportunidad nobo den nan bida.( Isaias 43:18-19).
1 comment
[…] Source link […]