!!! Cu si bo confesa cu bo boca, Hesus como Señor , y kere den bo curason cu Dios a lant’E for di e mortonan, lo bo ta salba. Pasobra cu curason hende ta kere pa haña husticia, y cu boca e ta confesa pa haña salbacion. Pasobra Scritura ta bisa; Ken cu kere den dj’E lo no keda brongosa.( Romanonan 10:10-11).
*** Di berdad mi ta bisa boso, si boso no comberti y bira manera un mucha, boso lo no drenta e reino di cielo. ( Mateo 18:3).
*** No ta tur hende cu ta bisa Mi, Señor, Señor , lo drenta e reino di cielo,ma esun cu haci boluntad di mi Tata cu ta den cielo.( Mateo 7:21).
Den e mundo aki hende ta preocupa cu hopi cos , especialmente cu finansas, nan kier ta financieramente sigur . Mundo ta balora finansas, material y posicion mas cu bida di hende.Y hopi ta lubida riba nan salud, cu ta primordial.
No solamente un hende mester tin un bon aseguro di bida pa cubri su gastonan di entiero, pero e siguridad di pasa bida eterna serca e Tata ta hopi mas importante.
Ta un lucha grandi ta existi contra tur trampa di e enemigo, contra corupcion y especialmente contra e gran mentira, cu tur dia ta avansa riba e mundo, cual ta pone hende bay contra e palabra y principio di Dios, y asina desvia completo for di e caminda y wordo destina pa perdicion.
Beibel ta splica den diferente forma kende ta esnan cu lo no hereda e reino di cielo, y hopi ta mire como un parti di huzgamento, enbes di busca arepentimento y aparta for di pica, pasobra e dia di binida di nos Señor Cristo Hesus,ningun hende no sa, aunke cu tur cos ta indica , cu e dia ta asercando cu paso gigantesco,
Hesus a contesta y a bise: Di berdad, di berdad. Mi ta bisa bo, si un hende no nace di nobo, e no por mira e reino di Dios.( Juan 3:3).
Hesus a contesta: Di Berdad, di berdad Mi ta bisabo, si un hende no nace di awa y di e Spirito e no por drenta e reino di Dios.
Dios ta desea pa tur hende wordo salba y yega na e conocemento di e berdad. Pasobra ta un Dios so tin y un Mediador entre Dios y hende , e hende Cristo Hesus, kende a duna Su mes como preis di rescate pa tur hende.( 1 Timoteo 2-5-6).
Ma busca prome e reino di Dios y su husticia, y tur e cosnan aki lo wordo añadi na boso.( Mateo 6:33).
Leynan di maldad, inmoralidad y abominacion ta wordo aproba dia pa dia rond mundo, cualnan ta piedra di trompica , pa asina stroba hende di alcansa e reino di cielo.Leynan cu ta mara hende legalmente den mundo di scuridad.
Hopi no ta na altura na kico nan ta duna nan cooperacion, ni tampoco kico nan ta apoya, y ta parce cu nan ta hacie pa beneficio propio.
Cu mesun boca cu nan ta condena Corupcion, e mesun boca nan ta consenti, apoya, y aproba gran mentira, y asina bira complice cu e enemigo, pa stroba hende di hereda e reino di cielo.
Nos ta confia Dios cu lo bini un gran avivamento ( revival) prome cu e binida di Cristo Hesus pa asina hopi por arepenti di nan pica y hereda e reino di Dios.
Door di hopi tribulacion nos mester drenta e reino di Dios.( Hechonan 14:22)
1 comment
[…] Source link […]