No ta tin mal noticia pa esnan cu spera den Señor pasobra Señor a primiti cu nunca e lo bandona esnan cu ta kere den dje.
No tin mas grandi, cu nos Dios , kende ta nos refugio y nos fortalesa.
Isaias 26: 3 ta bisa lo siguiente: Lo bo warda den pas perfecto, esun cu su pensamento ta permanece den Bo.pasobra e ta confia den bo. Confia den señor pa semper, pasobra den Dios e Senjor nos tin un baranca eterno.
E confiansa cu nos tin den Dios mester aumenta den e tempo aki, pasobra nos a wordo avisa, cu lo bini dianan trabahoso, den cual hende lo bay contra Dios, y no solamente cu palabra pero cu demostracion.
Ta mihor tuma refugio den Señor cu confia den hende. Ta mihor tuma refugio den Señor cu confia den prinsnan.( Salmo 118:8).
Y nos tin motibo pa confia den Dios.
Dios no ta gaña ( Numbernan 23:19)
Dios no por faya ( Josue 23:14)
Dios su poder no tin limite (Job 36:22).
Dios nunca ta lubida su promesa( 2 Pedro 3:9).
Dios no ta cambia ( Malaquias 3:6).
Dios sa tur cos ( Isaias 40:13-14).
Stop di confia den hende, kende su rosea ta den su nanishi, pasobra ki balor e tin? ( Isaias 2:22).
Pasobra e sa di kico nos ta traha, E ta corda cu ta di stof nos ta. ( Salmo 103:14).
Senjor ta nos luz y nos fortaleza, nos por depende tur momento riba dje, y nos confiansa no por desvia for di dj”E.
Ta tempo pa nos para firme, pasobra e enemigo lo purba di tur manera, pa pone hende ninga Dios y asina keda den scuridad.
Ta tristo pa mira con hende por rechasa Dios, y scohe pa maldad y innmoralidad.
Pero ora hende ta provoca Dios, nan tin di wanta e consecuencia, pasobra tur locual hende sembra nan lo tin di cosecha.( Galationan 6 :7-8).
Y tur esnan cu bay contra palabra y principio di Dios, ta busca confrontacion cu Dios, y a bira un adversario di Dios.
Dios no ta complace cu boluntad di hende, ma hende mester somete nan mes nan Dios.
Di berdad tempo ta trabahoso, pero nos deber ta , pa mantene nos confiansa den Dios , pasobra no tin otro speransa . Y no ta existi otro confiansa, cu no ta den nos Dios Todopoderoso.
Nos lucha no ta contra carni y sanger, sino contra e gobernantenan, contra e podernan, contra e forsanan mundial di e scuridad aki,contra e forsanan spiritual di maldad den lugarnan celestial.( Efesionan 6:12).
Pasobra maske nos ta cana den carni, nos no ta bataya segun carni, pasobra e armanan cu nos ta bataya cune, no ta carnal, ma poderoso den Dios, pa basha e fortinan abao.
Y pa destrui speculacionan y tur arogancia, cu ta wordo lanta.contra e conocemento di Dios,hibando den cautiverio tur pensamento, pa haci nan obedecido na Cristo. ( 2 Corintionan 10: 3-6).
Si tabatin un tempo cu nos mester para fuerte contra e plannan di e enemigo ta awor, laga nos oracion ta mas constante cu nunca, y no laga nos kita nos bista for di Esun cu ta doño di nos bida.
Pasobra maldad lo usa tur forma pa desvia e yuinan di Dios for di e proposito di Dios.
Maldad lo purba drenta tur caminda disfrasa, usando hende cu mester sa miho, pa tambalia e obra di Dios.
Laga nos para firme, y cu confiansa sabiendo cu mas grandi ta Esun cu ta den nos, cu esun cu ta den mundo.