E pasonan di un hende ta estableci door di Señor, y E tin delisia den su caminda.
Maske e trompica , e lo no cay, pasobra Señor ta sostene cu Su man.
Tin hopi plan den curason di hende, ma e conseho di Señor esey lo permanece.
( Proverbionan 19:21).
Bo palabra ta un lampi pa mi pia y un lus pa mi caminda.( Salmo 119:105).
Asina Señor, bo Redentor, Esun Santo di Israel, ta bisa: Ami ta Señor bo Dios.
Kende ta siñabo pa bo prospera, kende ta guiabo den e caminda, cu bo mester cana.
( Isaias 48:17)
Tur e versiculo nan ariba menciona ta demostra abiertamente, dicon un hende.
mester laga Señor guia su pasonan.
Hende mester ta na alturua cu nos no por haci nada riba nos mes sin ayuda di Dios.
Pesey den Romanonan 8:14 e palabra di Dios ta siña nos lo siguiente:
Pasobra tur esnan cu ta wordo guia pa e Spirito di Dios, esakinan ta yuinan di Dios.
Ta tempo pa tur hende realisa cu si Dios no dirigi bo paso, anto diabel lo bruha bo bida.
Pasobra si no ta un ta e otro, ningun hende por sirbi dos maestro,
ni tampoco hende no por come for di dos mesa. Hende mester stop di gaña su mes.
Ora Señor ta dirigi bo paso, lo bo haci bon escogencia,
pasobra canando cu Dios tur cos ta bira posibel.
Tambe den nos cana cu Dios,
Nos mester haci oracion,
Scucha Dios su contesta,
Tene fe den locual Dios ta bisa,
Obedece su statutonan,
Spera cu Señor lo actua.
Warda riba Señor cu pasenshi,
Y ricibi bo bendicion.
Nos ta biba den tempo trabahoso, den cual hende ta cana den inmoralidad,impuresa,
inmundicia, y perversidad, cual ta hiba hende na decadencia spiritual y social.
Door di esaki tin hopi famia kibra, hopi divorcio, y hopi mucha ta cohe mal caminda,
pasobra hende a aparta for di e caminda di Dios, y ta cana den scuridad profundo.
Aunke Señor ta splica den Jeremias 29:11 e plannan cu e tin pa nos bida, toch hende,
ta scohe e caminda hancho, cual su fin ta perdicion.
Ningun caminda cu ta hiba nos na pica, no ta un caminda dirigi pa Dios, ningun caminda
cu ta hiba hende na violencia no ta di Dios.
Ningun caminda cu ta hiba hende na droga y alcohol no ta di Dios,
Ningun caminda cu ta hiba hende na adulterio no ta di Dios.
Ningun caminda cu ta hiba hende na falta di respet pa nan mayor no ta di Dios.
E caminda di relacion entre homber cu homber y muher cu muher,
Matrimonio di mesun sexo no ta di Dios.
Y cu tur respet ,mas tristo ta, cu tur esnan cu kier ta den e caminda ey sa cu e no ta di Dios.
( 1Corintionan 6+9+10).
Pasobra Dios a establece matrimonio entre homber y muher ,
No ta Cristianismo ta bisa esey ,ta Dios a establece esey pa semper.
Y si nos ta papia di religion den tur Bijbel e ta para scirbi mesun cos,
Ningun religion ta permiti esey, pasobra e ta un pasion engañoso segun Efesionan 4:22.
Tur hende mester sa cu ora un persona tuma un decision asina grave ,
e mester a rechasa Dios den su curason, aki nos por wak con mentiroso diabel por ta.
(1 Corintionan 6:18-20).
Pakico discuti , perde tempo, keda rabia cu otro pa algo cu nos tur sa,
cu no ta bon, cual no ta productivo y no ta contribui na multiplicacion di hende,
riba mundo manera Dios ta ordena.
Laga nos tur haci oracion pa tur esnan cu a desvia for di e caminda di Dios, pa nan bolbe bek.