E evangelio di Dios, ta e prevencion contra maldad mas grandi cu ta existi riba mundo, y aunke hopi ta rechasa e palabra. Dios den su inmenso amor , ta spierta mundo henter, pa evita cu nan ta cay den trampa di diablo y asina sufri consecuencia grave, y hasta yega na e lugar di perdicion cual ta fierno.
Ta para scirbi den e buki di Efesionan Capitulo 2 : 1-3 lo siguiente: Y boso tabata morto den boso delitonan, y picanan, den cual boso tabata cana antes, segun e curso di e mundo aki, segun e prins di e poder di laira, di e spirito cu ta obra awor den e yiunan di desobedencia. Nos tur tambe tabata biba antes meymey di nan , den e pasionnan di nos carni, y di mente, y tabata di naturalesa yuinan di furia, mescos cu otronan.
Hopi cos cu nos ta mira sosode, ta influencia diabolico cu ta den aire, cu ta ataca mente y curpa di hende, pa nan haci cosnan bergonsoso cu no ta cumbini djis pa hala atencion. Si pasobra ta esey e enemigo kier pa hende laga decensia di Dios un banda y drenta den perversidad y malicia, pensando cu asina nan ta haña atencion.Pero esey no ta atencion ta decadencia.
E enemigo su plan di horta, mata y destrui, ta consisti di cohe locual cu ta bon y hacie malo, locual cu ta bunita hacie mahos, locual cu ta decente, hacie indecente, trece desunion caminda tin union, y trece morto spiritual, pa esnan cu ta cana den desobendencia.Su arma principal ta caba cu tur locual ta respet, pasobra e diabel sa cu caminda no tin respet no tin comprondemento, y caminda no tin comprondemento maldad ta avansa.
Nos deber ta pa splica hende tur dia, pasobra ta parce manera cu tin hende no ta compronde, of mihor bisa no kier compronde, pasobra e influencia di maldad , tur dia ta domina mas riba e mundo y inmoralidad a bira manera un deporte, of un hobby, algo cu hende ta persisti pa nan ta aden.
Dios ta spierta nos pa medio di su palabra bisando: Ma sabi cu den e ultimo dianan temponan trabahoso lo bini: Dios a bisa cu temponan trabahoso lo bini, kiermen ningun no sa cuanto e tempo aki lo dura, pasobra ta solamente Dios ki dia su Yiu Hesus Cristo lo bolbe bek pa busca su pueblo.
Y den 2 Timoteo 3 vers 1-9 e palabra di Dios ta splica tur cos, cu ta bay pasa, y cu ta pasando, pa tur hende por ta na haltura, y pa hende cuida curpa, y busca Dios, su proteccion cual ta obtenibel solamente den su Yiu Hesus Cristo,
Tur locual cu nos ta mira ta sosode , ta asina serio, cu cada letter di Dios su palabra ta cumpliendo, Dios hasta ta avisa nos di hasta di hendenan cu ta aparenta, cu ta mustra religioso, ma cu ta nenga su poder.Pa nos evita e sorto di hendenan aki.( 2 Timoteo 3:5).
E desobedencia na mayornan ta birando algo cronico bao di nos hubentud, e amor pa cosnan material
ta pone cu hopi biaha hobennan ta bira, rebelde, ingrato, arogante,y sin amor.
E spirito di violencia cu ta move den aire , ta demostra na nos con ireconciabel hubentud por bira pasobra tur e bringamento cu ta tuma lugar ta simplemente influencia diabolico.
Nos ta den e temporada caminda cosnan indecente ta wordo considera como bunita, caminda hende ta lubida cu nan curpa ta tempel di Dios.
Laga nos haci hopi oracion.