Mateo capitulo 24 vers 4 Hesus ta bisa: Mira pa ningun hende no gaña boso.
E ta un advertencia hopi serio pasobra mesun colebra cu a gaña Adam y Eva den hoffi di Eden a sigi ganja henter mundo y nos ta mira cu e no ta respeta ningun nacion.Bijbel ta relata cu 53 biaha e palabra di Dios ta bisa: No laga ningun hende gaña boso
Hende ta sigi cay den trampa diabolico y awor aki na multitud, y no kier arepenti pero ta busca confrontacion cu otro..
Awor mas cu nunca nos mester halsa nos oracion ora nos mira cu hopi hende ta cayendo den trampa di diabel y no ta importa con sabi nan ta, pero pa falta di comunicacion cu Dios, of temor di Dios, e enemigo ta hala nan bay cune.( Oseas 4;6)
Ta parce manera hende su wowo ta sera, of nan ta sordo, pero dia pa dia nan ta hala mas for di caminda di Dios y bay den e caminda hancho cual ta e caminda di perdicion.
Cuanto hende riba mundo no sa cu uso di droga( marihuana) ta malo pero ta pidi pa legalise, pero nan ta mira cu nan propio wowo, cuanto hende droga a mata, cuanto famia ta kibra, cuanto problema social tin pa motibo di droga, pero nan ta persisti pa sigi usa ,y biba bao di engaño.
Mescos cu uso di alcohol, e engaño ta continua rond mundo y dia pa dia , bebida alcoholico mas peligroso ta wordo inventa, pasobra mas quimico ta wordo poni den dje, y hende ta sigi bisa , mi no a bebe hopi, ta dos so mi a dal, pero laga nos mira cuanto accidente ta tuma lugar pa luna, pa motibo di alcohol, laga nos djis cohe un inventario cuanto palo di luz a wordo ranca den e ultimo 6 luna pa motibo di alcohol.
Ora hende ta bao di un engaño, nos no tin di discuti pero haci hopi oracion pa Dios libra nan pasobra tur cos cu ta bay contra boluntad, y principio di Dios, y contra naturalesa di Dios ta hiba na perdicion.
E asunto di Matrimonio di mesun Sexo tin hopi cas den preocupacion y famia den discucion, pasobra hende ta puntra con por ta posibel, cu un engaño asina grandi ( lesa 1 Corintionan 6:9, Galationan 6 vers 7, Galationan 5 vers 19-21.). Pasobra relacion entre homber cu homber y muher cu muher ta keda abominabel den bista di Dios.
Pero sabiduria di Dios ta sina nos , no pa discuti , pero pa haci oracion, pasobra tur esaki ta para scirbi den buki di Daniel capitulo 11 vers 37, cual ta siña nos e strategia di e anticristo cual tin hopi agente riba e mundo aki.
Den Mateo Capitulo 24 Hesus ta bisa cu hasta e eligi nan lo wordo engaña.Tene cuenta ora bo mira hende di sano huicio desvia..
Den Mateo capitulo 13 Señor ta bisa cu e maishi y e yerba shimaron lo crece hunto y na final, e yerba shimaron lo wordo tira den candela, y e mainshi lo bay den mangasina.
No ta momento pa discuti, pero awor mas cu nunca nos oracion mester subi na cielo y e palabra di Dios ,mester wordo predica mas cu nunca.( Judas 1 vers 20 te cu 23).
Ningun mayor cu stima nan yiu por bay di acuerdo cu ningun clase di mentira cu ta hiba nan yiu na destruccion. Pesey awor mas cu nunca nos mester para firme den oracion y no apoya maldad.
