Ora nos sa masha , masha bon kico ta boluntad di Dios, y nos ta bay encontra di dje, nos ta haciendo bofon di Dios.
Ora nos sa e berdad y nos no ta respeta e berdad , pero toch nos kier pasa na banda di e berdad pa complace nos mes y otronan nos ta baci burla di Dios.
Ora nos ta hunga cu pica,y ta neglisha consecuencia di pica, nos ta haciendo bofon di Dios.
Ora nos propio opinion, y capricho ta bini prome cu boluntad di Dios, nos ta rechasa y haci bofon di Dios.
Un bofonado di Dios ta un persona cu sa di persuadi otronan , pa su deseo y su capricho, prevalece aunke e tin di bay contra palabra, principio y boluntad di Dios.
Un bofonador no ta importa cuanto hende e tin di gaña, of pone trompica, basta e mira su deseo cumpli.
Bofon ta di bini for di e diabel kende ta gusta distrai y cende hende pa nan bay contra Dios y contra e palabra di Dios , pasobra diabel tin placer den division y engaño ( Genesis 3:1-7).
Bendiciona ta e hende cu no ta cana den conseho di malbadonan, ni ta para den caminda di pecadornan. Ma su delicia ta den e ley di Señor y den Su ley e ta medita di dia y anochi.( Salmo 1:1-2)
Nos ta den un tempo cu hopi bofonador lo lanta, hende nan sin escrupulo, cu no ta importa ken tin di bira victima, basta nan mira nan orguyo prevalece.
Pero nan ta lubida locual e palabra di Dios ta bisa den Romanonan 2;5-6 : Ma pa motibo di bo capricho y bo curason cu no kier arepenti, bo ta montona furia pa bo mes, den e dia di furia y revelacion di e huicio husto di Dios.Kende lo paga cada ken segun su obra.
Ma sabi prome cu tur cos, cu den e ultimo dianan bofonadornan lo bin cu nan bofon, siguiendo nan mes pasion.( 2 Pedro 3:3).
Ma boso rumannan stima, mester corda e palabranan cu a wordo papia di antemano door di e apostelnan di Señor Hesus Cristo, cu nan tabata bisa boso: Den e ultimo tempo lo bin bofonadornan cu ta sigi tras di nan mes pasionnan perverso. Esakinan ta esnan cu ta causa division, hende nan sensual cu no tin e Spirito.( 1 Judas 1:17-18-19).
Conoce e berdad y apoya maldad, ta pone hende cay den inmoralidad, perversidad, y asina nan ta kere den fabula.
Hende bobo ta haci bofon di pica, ma e fabor di Dios ta biba serca e rectonan,( Proverbionan 14:9).
Pasobra Dios no a yama nos pa ta impuro,ma pa hiba un bida santo. Pesey esun cu ta rechas esaki, no ta hende e ta rechasa, sino e Dios cu ta duna su Spirito Santo na boso.
E wowonan di Señor ta tur caminda, vigilando malo y bon.(Proverbionan 15:3).
No gaña boso mes, Dios no ta laga haci bofon di dj’E: pasobra loke un hende sembra, esaki tambe e lo cosecha. Pasobra esun cu senbra pa su mes carni lo cosecha corupcion for di e carni.Ma esun cu sembra pa e Spirito lo cosecha bida eterno for di e Spirito.( Galationan 6:7-8).
Awor ta e tempo pa nos para mas fiel cu nunca riba e palabra y principionan di Dios, awor ta e tempo pa nos oracion, no debilita, pero tur dia wordo fortifica cu e poder di e Spirito Santo, pa asina nos por reconoce, reprende y cancela e maldad, y para firme den e bondad di Dios.