E ta zona straño pero ta asina e ta, y esey ta locual ta hinca Famia, y hubentud den hopi problema.
Efesionan capitulo 2 vers 10 ta bisa: Pasobra nos ta e obra di su man, crea den Cristo Hesus, pa bon obranan, cualnan Dios a prepara di antemano pa nos cana aden.
Kico ta pasando, ora muchanan ta ripara cu hende grandi no ta canando drechi segun e palabra di Dios, nan lo imita cu tur e consequencia conoci pa nos tur.
Ta pasobra hende ta laga pica domina den nan bida, siguiendo custumbernan malo, cual ta hiba nan problema y depresion, pasobra awendia tin hende ta pone nan cultura y mal custumber dilanti di Dios.
Nan ta haci cosnan robes y bisabo ta nan cultura, por ehempel, e cultura di bebe tur dia, e cultura di mester sali tur weekend, tempo tabata tin carnaval, bo ta tende e ta parti di nos cultura, y hopi ta pone Dios un banda, bay den Carnaval y despues ta bini bek, pasobra cultura ta den competencia cu Dios.
No papia mes di esnan cu idolatria ta parti di nan cultura, pero e palabra di Dios ta siña cu nos ta traha pa tur bon obra, esey ta nifica cu hende ta conciente ora nan ta haci algo robez .
Dios no a crea homber pa nan tin 2 muher, ni tampoco pa muher tin 2 homber.
Dios no a crea hende pa biba den inmoralidad, absolutamente, cu no.
Dios no a crea hende pa nan tin dominio riba otro.
Dios no a crea matrimonio pa yega na estado di divorcio.
Dios no a crea hende pa Bebe ni tampoco pa Droga.
Dios no a crea hende pa biba den scuridad, y asina rechasa e palabra di Dios.
Ora orguyo y arogancia ta domina nos bida, nos ta baha bao di e nivel di cual Dios a crea nos, y ta pesey Dios ta rechasa e orguyoso y ta stima e humilde, pasobra ta den humildad e amor di Dios ta manifesta, specialmente ora nos ta stima otro.
Tur locual cu nos ta haci contra e boluntad y e palabra di Dios, aunke nos amigonan ta apoya y aplaudi, y hasta nos mes ta gaba di nos mal hecho, nos a baha for di e nivel pa cual Dios a crea nos.
Den amor E a predestina nos pa wordo adopta como Su yiunan, pa medio di Hesus Cristo , segun e bon intencion di su boluntad.
Ora nos hubentud ta cana cu arma, droga, buscando pleito cu ta hiba na crimen, nan ta canando bao di e nivel cu nan a wordo crea pe, y esey ta cuasante di tur e problema nan social cu nos tin.
Pesey e palabra di Dios ta bisa mayornan pa insrui nan yuinan den caminda di Señor, y ora nos ta papia di integridad, ta nifica cana na e nivel pa cual bo a wordo crea.
Como mayor nos tin di hala atencion di nos yuinan, pa no bisti casi sunu, manera hende cu ta bende nan curpa, mantene respet,y honor na bo mes, pa asina tur hende por respeta bo..
E Spirito mes ta duna testimonio hunto cu nos spirito cu nos ta yiu di Dios.( Romanonan 8:16).
Si berdaderamente nos a resucita cu Cristo laga nos busca e cosnan di ariba, caminda Cristo ta sinta hunto cu su Tata.(Colosensenan 3 vers 1+2+3)
Solamente den Cristo Hesus tin salbacion.