Desde awor nos ta felicita tur mama riba nan dia, confiando den Señor pa gran bendicion riba nan bida , y cu bon Dios por duna nan e deseo di nan curazon.
No ta tur Mama ta pasa nan dia igual, tin ta pasa e dia den grandi cu fiesta cu comemento,.baile , rondona cu famia.
Mientras otro ta pasa e dia di Mama , cera tras di tralie, den guerra, riba cama den hospital, sufriendo pa motibo di esposo iresponsabel of yuinan cu a lubida riba nan Mama. Pero den tur esey nos tin di recorda cu hende muher ta stima pa Dios.
Muhe ta Mama di mundo.
Un muhe garra na Dios por bisa cu tur confiansa tur cos mi por den Cristo cu ta mi fortaleza.
Un muhe gara na Dios por bisa , cu mi Dios lo supli pa tur mi necesidadnan segun su rikesanan den gloria den Cristo Hesus.
Un muhe gara na Dios por bisa cu e husto por cay siete biaha pero Dios lo lante.
Un muhe gara na Dios por bisa mi sa den ken mi fe ta, e ta den Cristo mi gran speransa.
Un muhe gara na Dios por bisa , aunque mi cana den vaye di sombra di morto lo mi no tin miedo.
Un muhe gara na Dios por bisa mas grandi ta esun cu ta den mi ,cu esun cu ta den mundo.
Un muhe gara na Dios por bisa mi no sa ken boso ta sirbi, pero ami y mi cas ta sirbi Dios.
Un muhe gara na Dios por bisa Senjor ta mi Refugio y fortaleza.
Un muhe gara na Dios por bisa Senjor cu lo sosode cumi segun bo a bisa.
Un muhe gara na Dios por bisa nada por separa mi di e amor di Cristo.
Un muher gara na Dios ta somete su mes na su esposo, y ta lanta su yuinan den gran amor y palabra di Dios.
Un muhe gara na Dios su conducta ta trece otro muhe na Cristo, otronan lo desea pa sirbi Dios.
Salmo 143 ta para scirbi; Siñami haci bo boluntad pasobra Abo ta mi Dios, laga Bo Bon Spirito guiami na e tera di rectitud.
No laga boso dornamento ta di pafo so,vlechtmento di cabey, bistimento di joyas di oro, ma lage ta e persona scondi di e curazon, cu e calidad incoruptibel di un spirito suave y keto locual ta precioso den bista di Dios.( 1 Pedro3 vers 3-6)
Un muhe gara na Dios su paña, joyas , posicion, of rikesa no ta identifica su persona pero su temor di Dios , su amor pa prohimo, su decencia, y su anhelo pa yega na santidad tin prioridad riba tur cos.
Den e buki di prome Samuel, Anna tabata un muher gara na Dios, e no tabata fertil pasobra Señor a sera su matris (1 Samuel1 vers 5).
Anna su rival Penina tabata provoca Anna.
Pero Anna tabata un muher garra na Dios, cu no tabata wordo movi pa su carni, pero e tabata trece tur cos dilanti di Dios, e tabata pone tur cos den oracion, y e a bisa Dios , Corda riba mi .Cu si bo dunami un yiu homber , lo mi entrege bek na Señor tur e dianan di su bida, y Señor a scucha su oracion.
Un muher gara na Dios, ta haci oracion, y Dios lo habri porta cu ta sera, pa Su Gloria.