Awor mas cu nunca nos muchanan, nos hobenannan mester di un bon fundeshi spiritual.
Pa evita cu nan ta ta kere den cosnan cu no ta existi.
Cosnan cu ta invento diabolico.
Gran mentira di inmoralidad, trampa di abominacion,spirito di engaño y violencia.
Bruheria y hechonan di scuridad.
E spirito di mentira cu ta moviendo tur caminda , tin e hobennan como su premio, pasobra esey ta e meta pa wanta hobennan den scuridad, pa nan bringa, venga y hasta mata otro.
Hosea 6:4 ta para scirbi: Mi pueblo ta wordo destrui pa falta di conocemento.
Pasobra bo a rechasa conocemento, Ami tambe lo rechasa bo di ta Mi sacerdote.
Como bo a lubida e ley di Dios.Ami tambe lo lubida bo yuinan.
Mas nan multiplica, mas nan peca contra mi, lo Mi cambia nan gloria den berguensa.
Nos mester duna nos yuinan un bon fundeshi spiritual cual ta e Palabra di Dios, pasobra den dje ta inclui tur norma, balor, etica di bida, respet y temor di Dios.
Pa asina nan por para firme contra plannan di e enemigo.
Pa falta di conocemento spiritual e enemigo ta hungando ping pong cu nos hubentud, kendenan nan ta sabi den tur locual ta cosnan moderno, pero poco di nan conoce principio di bida.
Pasobra nan mayornan cu ta esnan cu ta prome yama pa duna nan un bon fundeshi, a aleha for di caminda di Dios, y tin hopi cu hasta den e tempo dificil aki, no ta haci un esfuerso pa nan mes bini bek, ni tampoco trece nan yuinan riba caminda di Dios.
Pesey awendia ora nos ta mira muchanan ta falta respet.
Bisti perverso como mucha muher.
Mucha homber cu ta cana cu tur sorto di arma, cabes yena cu droga y alcohol, nos tur ta compronde cu e fundeshi necesario no a wordo stableci for di chikito ( Proverbionan 22:6).
Nos mester lanta cadena di oracion pa nos hubentud, pasobra nan ta bao di atake constant di e enemigo y mirando hopi biaha e apoyo cu nan ta haya di nan propio mayornan nos mester corda tur hende riba locual e Palabra di Dios ta den Isaias 5:20:
Ay di esnan cu ta yama loke ta malo, bon, y loke ta bon malo,loke ta scuridad lus,y loke ta lus scuridad,loke ta marga dushi, y loke ta dushi , marga.
Ta bon pa tur mucha/hobennan ta na altura locual Salmo 34:11-14 ta bisa:
Bin yuinan scucha mi, lo mi siña boso e temor di Señor.
Ta ken ta e hende cu ta desea bida, y ta stima bida largo, pa e por mira bondad ?
Warda bo lenga di maldad, y bo lipnan di papia engaño.
Aparta bo mes for di maldad y haci bon, busca pas y siguie.
Salmo 34:21-22 ta bisa: Maldad ta mata e matado. Y esnan cu ta odia e husto lo wordo condena.
Señor ta redimi alma di su sirbidornan, y ningun di esnan cu ta tuma refugio den djE lo no wordo condena.
Y pa e mayornan Señor su palabra ta bisa lo siguiente den Proverbionan 19;18: Disiplina bo yiu, mientras cu tin speransa ainda y no desea su morto.
Drenta door di e porta smal. Pasobra hancho ta e porta, y espacioso e caminda cu ta hiba na destruccion, y hopi ta esnan cu ta drenta door di dje.( Mateo 7:13).
Ta para scirbi den 2 Timoteo 3:1-5 cu den e ultimo dianan lo bini temponan trabahoso.Nos no tin nada di sconde pasobra tur hende ta mira cu e temponan a yega..