Cada ken cu ta orguyoso di curason, ta un abominacion pa Señor, siguramente e lo no keda sin castigo.( Proverbionan 16:5).
Maldad ta contrali na husticia y bondad. E idea basico di malicia, diablura,y inmoralidad ta pa bay contra, Dios y Su boluntad, contra Cristo Hesus, y contra e evangelio di Dios.
Dios ta hari e malbado pasobra e ta mira con e mes ta causa su destruccion, pasobra maldad lo no triunfa.( Salmo 37:12-13).
Esun cu wordo reprende hopi biaha,y toch ta haci su nek stijf, lo wordo kibra diripiente, sin remedi.( Proverbionan 29:1).
Ta parce cu ta facil pa dal un hende cu auto y corre bay,
Facil pa menasa,
Facil pa tira un hende,
Facil pa maltrata hende,
Falta respet pa mayornan, kibra matrimonio, biba den inmoralidad, falta di temor pa Dios.
Cada biaha cu nos no ta hala atencion di esnan cu ta haci malo, of ta proclama maldad, biba den inmoralidad, nos ta complice. No tin sabiduria, ni comprendemento,ni conseho contra Señor.
Ora algo ta malo inmoral y abominabel den bista di Dios, nos no tin mester di conseho di ningun hende, pa nos rechasa, y stop cu maldad inmediatamente.
Por ehempel si bo bari di sushi ta hole malo den bo cas, bo no tin mester di conseho pa tire afo, bo mester deshaci di dje prome cu musca contamina henter bo cas, y malesa presenta
Si bo yiu ta cana cu arma, bo no tin mester di conseho, pa bise pa bise bay entrega su arma, pasobra si bo tarda e arma ey por wordo usa contra bo mes, of otro miembro di famia, y hasta e mucha por kita su propio bida. Si e no kier tende bo mester avisa autoridad cu tur e consequencia cu por bini.
Ora hende kere cu nan por chercha Dios, nan ta gaña nan mes, ora un persona cu a nace den un cas caminda su mayornan a lante cu conocemento di e palabra di Dios, pero despues e ta laga su mes wordo desvia pa diabel, pasobra ta solamente diabel, por pone hende pensa cu Dios no ta existi, a bira tempo pa nos tur realisa cu maldad ta avansa, y ta tempo pa nos hala mas serca Dios.
Awor e hombernan di Sodoma tabata masha malbado y pecadornan contra Dios. ( Genesis 13:13).
Tene cuenta cu maldad kier domina mundo, y maldad a drenta den e sistema di mundo, y ta busca tur sorto di forma pa wordo aproba y legalisa.
E enemigo ta busca tur forma pa mantene hende den su gara, usando ciencia y sabiduria terenal, diabolico,perversidad y malicia.
Ora hende no ta respeta Dios, y ta bay contra Palabra y Principio di Dios, ta sosode lo siguiente:
Pasobra nan no a haña pa reconoce Dios, pa aleha for di maldad, y inmoralidad, Dios a entrega nan na un mente perverso pa haci cosnan cu no ta cumbini:
Nan ta yen di tur inhusticia, maldad, golosidad, perversidad,yen di envidia,matamento, pleito, engaño, malisia y nan ta hacido di redo,calumniado,Odiado di Dios, grosero, arogante, gabado, inventado di maldad, desobedecido na mayornan, sin comprendemento, inconfiabel,sin amor y sin misericordia. (Romanonan 1:18-31).
Awor e keda na cada un di nos pa tuma un decision, na cual grupo nos kier pertenece, pasobra hende hende no por sirbi dos Dios,hende tin dos pia pero e no por cana den dos caminda.
Tin hopi cu a purba pero nan no a logra, pasobra Dios no ta permiti hende haci bofon di dj’E.
Ta tempo pa reflexiona, y invita Cristo Hesus bin biba den bo curazon y asina ricibi bida eterna.
