Pastor Marcel Balootje: Mal influencia ta enemigo di integridad y bon karakter

Mal influencia ta corre rond mundo, y ta buscando hende pa destrui, tur hende ta vulnerabel na mal influencia, e por drenta den bo , door di locual bo ta scucha mira of lesa, y hopi biaha e enemigo ta husa hendenan yega na bo pa trece mal influencia pa bo.

E palabra di Dios ta avisa nos pa tene cuenta cu mal influencia:

Esun cu ta anda cu hende sabi lo ta sabi, ma un compañero di hende bobo lo sufri daño.( Proverbionan 13:20).

Mal influencia ta bini di hende Orguyoso, Arogante, Stimado di nan mes, sin respet pa Dios y pa hende, y hopi biaha ta hende cu ta den posicion, of figura publico, cu nan actitud ta representa mal influencia.

Un bida yena cu inmoralidad ta representa mal influencia, aunke bo por dorne cu chuculati, e ta keda un mal influencia.

Un pareha casa cu ta bibando den adulterio, nan por ta rico, cu hopi propiedad,bon studia, den posicion halto den comunidad, ta treciendo mal influencia, pa nan yuinan, famia y comunidad.

Laga nos no sera wowo pa berdad, ni tampoco purba tapa solo cu un dede, pero tur e asuntonan cual ta bay contra e palabra di Dios, cual mundo ta aplaudi, y cual ley kier aproba, ta mal influencia y abominacion den bista di Dios.

Den un palabra bisa cu tin cos cu hende ta aplaudi, apoya, biba cune, defende, bay na malo cu otro, y hasta hiba otro dilanti di corte, pasobra esun a bisa algo cu nan no ta gusta, cu nan ta completamente na altura cu nan comportacion ta un campo di mal influencia.

Un tata of mama cu tur dia ta burachi, droga, den violencia domestico,ta dunando mal influencia na nan yuinan.

Mal influencia tin un efecto masha fuerte riba bida di hende e por yena bo: Cu inhusticia,maldad, golosidad, perversidad,yen di envidia,matamento, pleito,engaño, malisia,nan ta haci redo,calumniado,odiado di Dios,grosero, desobedecido na mayornan,sin comprondemento,inconfiabel,sin amor,sin misericordia.(Romanonan 1:28-29). 

Esaki ta nifica cu nos por rechasa mal influencia for di nos bida,nos por arepenti di nos mal comportacion, y Dios mes lo haci e cambio necesario den nos curason. 

Den hopi caso nos por mira con mal influencia tin nos hubentud domina, cu odio cual ta hibando na crimen, cu flohera haciendo nan bendendo y mula di droga,causando asina cu nan no ta honra nan tata y mama, pero nan ta biba den un rebeldia cual ta hiba nan na destruccion.

Mal influencia no ta amigo di ningun hende, tin biaha mal influencia , ta hiba bo den un perdida di trabao, matrimonio y famia. Pasobra ta esey ta e plan di diabel pa horta mata y destrui.  

Esun cu ta odia,ta disimula esey cu su lepnan, ma den su curason e ta montona engaño. Ora cu e papia,cariñoso asina, no kere, pasobra tin siete abominacion den su curason.

Maske su odio ta purba di tapa su mes cu engaño, su maldad lo wordo revela dilanti di asamblea.

Esun cu coba un pos lo cay aden, y esun cu bolter un piedra e piedra lo lora bin bek riba dje.

Cada cos haci bao di mal influencia tin consecuencia ferfelo pa nos bida, pasobra hopi biaha e ta haci mas daño na nos mes y nos prohimo cu nos ta kere.

E bon influencia ta bini di Dios, e bon influencia ta dorna cu amor cu pas y positivismo, e bon influencia ta liber di pleito , y ta yena cu humildad,cla pa sirbi tur momento, dunando gloria na Dios.