*** Ora un mayor ta cana den obedencia na Dios , henter su cas lo ta bendiciona.
*** Ora un yiu ta cana den obedencia na Dios su mayornan lo ta bendiciona.
*Obedencia ta ley di cielo.
**Desobendencia ta trampa di diabel.
* Ora bo ta obediente bo ta cana cu Dios.
* Ora bo ta obediente lo bo wordo bendiciona.
Noe tabata obediente na Dios , e a traha e arca, y e mes y henter su famia a scapa di e diluvio.
Aki nos por mira bon cla kico ta nifica obedencia di un tata na Dios, como un homber cabes di su cas.
Abraham a obedece Dios. Y a wordo yama tata di nacionnan.
Josue a obedece Dios; Mira pa e buki di ley aki, lo no aparta for di bo boca,ma bo mester medita den dje di dia y anochi,percura di obedece henter e ley cu Mi sirbido Moises a ordenabo, no bira for di dje ni na man drechi, ni na man robes, pa bo por tin exito unda cu bo bay. ( Josue 1:8).
Exito sin obedencia na Dios, no ta berdadero , pa nos conoce e berdadero exito den nos bida,nos mester tin Cristo Hesus na prome lugar den nos bida.
Pasobra awendia tin hopi tipo di exito falso;
Por ehempel exito a costo di otro hende su bienestar.
Exito temporal cu ta mustra bon , pero segun e tempo ta pasa e exito ta devalua , pasobra e no a wordo alcansa pa medio di obedencia na Dios.
Ora un Tata ta obediente na Dios, e yui su bendicion ta garantisa ( Genesis 26:2-5).
Ora un tata ta desobediente na Dios henter e famia ta den dolor.( 1 Samuel 15).
Obedencia ta contagioso, e ta cuminsa den un cas di famia , pasa den un bario, yega na un pueblo y alcansa henter un pais.
Ora lidernan di un pais ta obediente na Dios y su palabra, Dios mes ta zorg pa pas y bienestar, finansas, y economia y Dios mes ta mantene e enemigo leu for di nan.( 1 Reynan 5:3-5).
Isaias 1:19 ta para scirbi: Si boso ta dispuesto y ta obedece, boso lo come e mihor di e tera.
Hende obediente ta confia Dios, caminda no tin obedencia no tin Fe.
Ta imposibel kere den Dios y no ta obedecido na Dios.
Laga nos tene bon cuenta con lew desobedencia a hiba Jonas, y nota e bendicion pa su bida ora cu e a bini bek na obedencia ( Jonas Capitulo 1).
E yui perdi tambe a sinti consecuencia di desobedencia y e a bolbe bek cas di su tata, y wak e bendicion cu tabata spere .( Lucas 15:11-32)
Hesus a contesta si un hende ta stima Mi,e lo warda Mi palabra, y Mi tata lo stime, y Nos lo bin serca dje y biba serca dje.
Esun cu no ta stima Mi no ta warda Mi palabranan, y e palabra cu boso a tende no ta di Mi, ma di e Tata cu a manda Mi.( Juan 14:23-24)
Nos mester recorda tur hende kico Juan 3:16-18 ta bisa.
Y no lubida locual Juan 3:36 ta bisa: Esun cu kere den e Yiu tin bida eterno, ma esun cu no obedece e Yiu lo no mira bida, ma e furia di Dios ta keda riba dje.
Nos tur ta yama pa biba den boluntad di Dios y cumpli cu e ley di Cristo (Galationan 6:2), cual ta siña nos pa restaura otro den tur momento.
