Nos tur a nace cu un consenshi, un bos paden, cu ta bisa nos kico ta bon y kico ta malo.
Hasta ora nos ta mucha , nos sa ki ora nos ta bay contra e bos di nos consenshi.
Pero ora nos sa bon cu locual cu nos ta haci ta contra nos consenshi, y nos ta hacie toch y nos ta spera Dios bendiciona nos, y pordona nos, pa cosnan cu nos ta bolbe haci, sabiendo cu nos ta robes , nos ta tenta Dios.
Dios no ta obliga pa salba nos for di actonan y imprudencia of iresponsabel ( Deuteronomio 6 : 16) ta bisa : No tenta boso Dios. Mateo capitulo 4 : 7 Hesus a conteste ta para scirbi no tenta Señor bo Dios.
Tin hopi hende no sa cu aunke cuanto maldad satanas ta haci den e mundo aki, ora cu Dios papia e no por keda, e tin cu bay,( Mateo capitulo 4 vers 10+11) ta pesey nos como yuinan di Dios tin e autoridad pa reprende e diabel den nomber di Cristo Hesus.
Ora nos bay contra palabra di Dios, nos ta tenta Dios, pa falta di conocemento y temor di Dios,
Pasobra nos curpa ta tempel di Dios, y Dios ta biba den dje. Ora droga ta wordo uza,acohol ta wordo bebi, velocidad halto den trafico,maneha auto burachi,bistimento sunu, comemento di mas, expone bida na peliger, cana cu arma , abusa di nos propio curpa.tur esey ta tentamento di Dios.
Y TENTAMENTO DI DIOS TA HACI NOS PECA , Y KICO PICA TA CAUSA DEN NOS BIDA?
Pica ta haci Dios tristo ( Efesionan capitulo 4 vers 31), pasobra Señor ta bisa pa laga tur malisia un banda.
Pica ta stroba nos di cana cu Dios ( 1 Timoteo 1 vers 5+6 y 1 Timoteo 1 vers 18+19) Dios kier pa nos tin un bon consenshi.
Pica ta duna satanas entrada den bo bida, pasobra pica ta aleha hende for di Dios, pica ta fria bo bida spiritual, y asina bo relacion cu Dios ta kibra e malbado ta aserca bo.(Santiago 4:7)
Dios ta castiga tur hende cu peca ( 1Thesalonisensenan 4:3 – 8) Dios ta e vengado den tur cos, pesey E no kier pa nos desfrauda otro y a yama nos na santificacion y puresa.
Tin hopi hende ta wordo gaña door di e enemigo y falso maestro cual ta hinca den nan cabes cu Dios no ta castiga, laga nos lesa Galationan capitulo 6 vers 7+8. Nos mester arepenti y pidi pordon di pica sino nos relacion cu Dios ta keda kibra.( lesa Proverbionan 6 vers 27+28+29).
Si tin arepentimento Dios ta pordona pero si no tin arepentimento anto nos mester lesa Romanonan capitulo 2 vers 4+5 y tene bon cuenta cu esey.
Pica ta herida otro .Mateo capitulo 9 vers 19 ( No haci wega cu bo Matrimonio).Mayor cu ta divorcia pa barica yen ta herida nan yuinan y causa dolor.
Dios ta castiga esun cu ta guia of hiba otro na tentacion, Cuanto biaha e palabra di Dios ta bisa pa no pone su yui chikitonan trompica y cual ta e consequencia pa esun cu ta hacie lesa Mateo capitulo 18 vers 6.
Pica ta daña testimonio, pesey ora nos comete un pica nos mester drecha cu Dios y no hacie mas, Hesus a bisa e muher adultero , bay y no peca mas. ( Juan 8 : 1-11)
No tin beneficio den tentamento di Dios.