Si tabatin un tempo den cual cabesura di hende ta wordo demostra ta awor, ta berdad locual Bijbel ta scirbi cu den e ultimo temponan hende lo no kier scucha e berdad mas, pero ta bay tras di fabula.
Locual ta malo nan ta mire pa bon, y locual ta bondad ta wordo conta como maldad.
Juan 3:16 ta splica e gran bondad di Dios den cual E a manda su Yiu unigenito pa ken cu kere den dj’E no bay perdi ma haña bida eterna.Esey ta nifica cu Dios ta stima nos y kier pa nos tin bida eterna.
Mateo11:28 ta para scirbi: Bin serca Mi tur cu ta cansa y carga y Mi lo duna boso sosiego, esey ta nifica cu tur hende tin mesun drechi di yega serca Cristo Hesus.
No tin asunto di discriminacion ni tampoco rechaso.
1 Juan 1:9 Señor ta bisa: Si nos confesa nos pica E ta fiel y husto di pordona nos nos pica y libra nos di tur inhusticia. Tur hende cu haci pica por haña pordon di pica serca Dios.
Pero tambe Señor ta splica bon cla den Juan 3:36 bisando na nos tur sin execepcion di ningun hende:
Esun cu kere den e Yiu tin bida eterno, ma esun cu no obedece e Yiu lo no mira bida, ma e furia di Dios ta keda riba dje.
Pasobra nos tur ta mira locual ta pasando : E reinan di mundo ta tuma nan posicion, y e gobernantenan ta consulta hunto contra Señor. ( Salmo 2:2).
Pero Señor ta spierta cada un di nos individualmente: Ma pa motibo di bo capricho y bo curason cu no kier arepenti, bo ta montona furia pa bo mes, den e dia di furia y revelacion di e huicio husto di Dios.(Romanonan 2:5).
Pasobra den caso di esnan cu un tempo a wordo ilumina y cu a purba e don celestial y cu a bira participante di Spirito Santo, y cu a purba e bon di e palabra di Dios y e podernan di e siglo cu ta bin.Y , despues a cay ta imposibel pa trece nan bek na repentimento, como cu nan a bolbe crucifica e Yiu di Dios,pa nan mes y ta pon’E na berguensa publico.( Hebreonan 6: 4-6).
Pasobra si nos sigi peca boluntariamente despues di a ricibi e conocemento di e berdad, no ta keda sacrificio pa pica mas. Sino un cierto espectativa teribel di huicio y e furia di un candela cu ta caba cu e adversarionan.( Hebreonan 10:26).
Awor Dios ta bolbe mustra su bondad na nos bisando: Esun cu no a spaar ni Su mes Yiu , ma a entregue pa nos tur , lo E lo no duna nos tur, tur cos cos tambe hunto cun’E.( Romanonan 8:32).
Ma Dios a demostra Su amor pa cu nos den esaki, cu tempo nos tabata pecador ainda, Cristo Hesus a muri pa nos.(Romanonan 5 :8).
Awor mescos cu e palabra di Dios ta bisa nos pa perservera haciendo bon, e bos di scuridad cual ta e diabel ta haci tur locual ta posibel pa gaña hende pa nan no biba segun e palabra di Dios, anto e asunto aki ta bira cada dia mas serio, pasobra no solamente hende ta perdiendo e deseo di sirbi Dios, pero hasta awor nan kier pusha nos muchanan tambe den mes un caminda.
Pesey nos ta roga na Dios , pa tur plan pa kita muchanan for di e caminda Dios, wordo descubri y cancela.
