Bay den henter e mundo y predica e evangelio na tur criatura.
Esun cu kere y a wordo batisa lo ta salba , ma esun cu no kere lo ta condena. Y e señalnan aki lo compaña esnan cu kere:
Den Mi nomber nan lo saca demoño, y nan lo papia den lenga nobo,nan lo cohe colebra cu man,y si nan bebe cualkier veneno mortal esey lo no haci nan daño.Nan lo pone man riba hende malo y esakinan lo bira bon.( Marco 16:15-18).
Den tur Bijbel e ta para scirbi mesun cos , pa evita cu hende lo bisa cu nan no tabata sa, pasobra e evangelio di Dios ta bon noticia.
Maske nos ta cana den carni, nos no ta bataya segun carni, pasobra e armanan cu nos ta bataya cune, no ta carnal, ma poderoso den Dios,pa basha e fortinan abao y pa destrui speculacionnan y tur arogancia, cu ta wordo lanta contra e conocemento di Dios,hibando den cautiverio tur pensamento, pa haci nan obedecido na Cristo. Y nos ta cla pa castiga tur desobedencia una bes cu boso obedencia ta completo.
Pa nos lanta para y reprende satanas den nomber di Cristo Hesus nos bida mester ta den boluntad di Dios limpi y corecto, pasobra Señor a duna nos autoridad riba e diabel y tur su compinche, pa tur caminda cu nan ta molestia nos por reprende nan den nomber di Cristo Hesus.
Ta conoci cu rond mundo y den nos comunidad, hende ta kere den bruheria y santeria , pasobra nan ta kere pa nan finansas,matrimonio y nan posicion den nan trabao, pa asina nan por keda hefe,y domina esnan cu no sa di reprende e obranan di diablo.(Isaias 47:8-14).
Tin pactonan satanico.
Tin ta consulta via internet cu bruho.
Tin tumamento di banjo.
Tin gastamento di miles di florin na talisman.
Tin hasta bebemento di likidonan pa asina nan por tin poder.
Tin sacrificio cu tin biaha ta costa hasta bida di sernan keri, pasobra diabel ta ranca hende(Juan 10:10).
Doloroso ta cu mescos cu nos ta importa cuminda, hende ta importa tur clase di malisia y bruheria, frontera ta habri pa maldad, capital grandi ta wordo inverti den diablura.
Y hopi biaha ta hende sabi, bon gradua cu bon estudio, den posicion halto ta envolvi den e bagamunderia aki.
Pesey nos mester perservera den oracion den nomber di Cristo Hesus pa basha e fortinan abao.
Pero e gran tristesa ta cu mayornan ta pasando e maldicionnan aki riba nan yuinan, pasobra bruheria ta maldicion y di edad hoben tin muchanan meti den bruheria, cu tin biaha hasta ta manifesta na scolnan , pero pa falta di conocemento esaki nan no ta wordo raporta.
Ningun matrimonio domina cu bruheria lo no dura, hopi biaha bo ta mira un muher kier sirbi Dios of vice versa pero un di nan ta keda atras pasobra e tin miedo pa e pacto diabolico no wordo kibra. Bruheria ta causante di hopi divorcio.
Mi ta duna boso autoridad pa trapa riba colebra y scorpion, riba tur poder di e enemigo y nada lo haci boso daño.(Lucas 10:19).
Ma e cobardenan y e incredulonan,y e abominabelnan y e matadonan, y e fornicadornan y e hacidornan di bruha, y e adoradonan di Dios falso, y tur gañado, nan parti lo ta den e lago di candela y zwafel, cual ta e di dos morto.( Revelacion 21:8) (Isaias 47:8-14).
Awendia rond mundo tin movecion satanico, tanto den palabra como den obra, pero como creyentenan den Cristo Hesus nos tin e autoridad pa reprende.
