Ningun hende por sirbi dos Dios, ningun hende por hunga rol di ta cu Dios y eynan mes nan ta cu mundo, pasobra amistad cu mundo ta enemistad cu Dios,( Santiago 4:4) y na final ta esnan cu ta infiel ta keda berguensa.
Pasobra ta fabor di hende mi ta busca awor , of di Dios? Of ta hende mi ta trata di agrada? Si ainda ta hende mi tabatat trata di agrada, lo mi no tabata un sirbido di Cristo.( Galationan 1:10)
No stima mundo, ni e cosnan cu tin den mundo. Si un hende ta stima mundo. E amor di e Tata no ta den dje.
Pasobra tur loke tin den e mundo, e deseo di carni,( Amor pa placa) e deseo di wowonan ( Gana di poder) e orguyo di bida ( Posicion alto), no ta bini di e Tata sino di e mundo.
E mundo ta pasa bay y su deseonan tambe, ma esun cu ta haci boluntad di Dios ta permanece pa semper.(1 Juan 2:15-17).
Hopi biaha hende ta biba pa wak kico nan amigo nan ta bisa di nan, con nan por complace cu hende aunke nan sa cu Dios no ta den e asunto..
Nos ta biba den un tempo cu decision ta wordo tuma, y hende ta wordo engaña, y tene na liña, pasobra esnan cu mester tuma e decision cu ta agrada Dios, a compremete cu mundo.
Tabata dificil pa Samsom tuma un decision di bringa contra di e Filisteonan, mientras cu e mes tabata drumi den brasa di Dalilah.
Doloroso tabata pa Judas ora e a bin realisa ta Ken e a traiciona , y maske cuanto e a arepenti, tabata laat caba.
Tin peliger hopi grandi ora nos laga emocion, cobardia y sensualidad domina nos, pasobra e berdad di Dios semper lo sali na cla.
Tene cuenta como mayor bo tin di stima y respeta bo famia, balora locual cu bo tin, y balora locual ta di bo, como homber, como muher, como un mayor responsabel, no sende lus na caya y laga bo hogar keda scur, no compromete cu byside y laga bo famia pasa hamber.
Tin cosnan cu nos ta mira ta facil, y hopi biaha, nos kier tira e falta riba otro hende, pero ta un dolor ora nos compremete cu mundo, y haci Dios tristo.
Pasobra e wowo di Señor ta move bay bin, door di henter e tera, pa E por sostene fuertemente esnan cu nan curason, ta completamente de dj’E.( 1 Corintionan 16:9).
Ora nos paga tino na e mandamentonan di Dios, nos lo no wordo brongosa, pero ora nos kier complace cu hende, cu nos a primiti algo, y despues nos no por hala tras , pasobra nos a compremete cu e mundo, dolor y berguensa lo sali na cla.
Laga nos tene bon na cuenta, cu riba e mundo aki no tin ningun institucion mas grandi cu Dios, y cu nos Dios ta soberano riba tur cos y no tene miedo di hende, pero laga nos tin temor di Dios, pasobra ta Dios ta dicidi na unda nos alma lo bay, sea ta pa bida eterna, of pa morto eterno den fierno.
No sea conforme na e mundo aki, ma sea transforma, pa medio di e renobamento di boso mente, pa boso por comproba, kico ta e bon, y agradabel y perfecto boluntad di Dios.(Romanonan 12:2).
Dios ta fiel y E ta bisa : Si nos confesa nos picanan e ta fiel y husto di pordona nos nos picanan y limpia nos di tur inhusticia.( 1Juan 1:9).