E rosea cu nos tin ta fia, e no ta di nos, esun cu ta su doño ta Dios, e ta duna rosea y e ta kita rosea.
Aunke con grandi nos bira, cuanto fama nos tin, rikesa , poder, autoridad, semper nos ta vulnerabel pasobra nos ningun no sa ki dia Dios, lo tuma e rosea bek.
Den Lucas 12:16-21 ta para scirbi: Hesus a conta nan un parabola bisando: E tereno di un cierto homber rico tabata masha productivo, Y e a cuminsa rasona den su mes bisando: Kico mi haci,Pasobra mi no tin kugar pa warda mi cosecha. Y e a bisa: Esaki lo mi haci, lo mi basha mi mangasina abao y traha otro mangasina mas grandi ainda, y den nan lo mi warda tur mi trigo, y mi bienes . Y lo mi bisa mi alma. Alma bo tin hopi bienes montona pa hopi aña,tuma sosiego,come y bebe, y fiesta.
Ma Dios a bise: Abo bobo! Awenochi mes bo alma lo wordo exigi for di bo, y awor ken lo bira doño di loke bo a prepara? Asina ta e hende cu piki tesoro pa su nes, y no ta rico pa cu Dios.
E tempo cu nos ta bibando aden ta demostra e grado halto di materialismo, orguyo, paranda, buracheria y inmoralidad cu hende ta biba aden y cu nan no ta corda riba Dios.
Locual ta para scirbi den 2 Timoteo 3:1-9 ta pa nos pone atencion, con tempo lo cambia y con hende lo bira, y awor nos ta bibando den e tempo, y nos ta mirando e cambio. Pero locual ta pasando ta cu e deseo y scuridad di mundo, ta pone cu hende ta bira negativo kere cu bo ta husga,y pero bo ta avisando di e peliger cu tin na caminda.
Mescos tambe den Galationan 5:19-21 y 1 Corintionan 6:9-10 ta para scirbi tur esnan cu tin un bida, cu no ta agrada Dios, lo no hereda e reino di Dios.
Dios ta lus y den dj’E no tin nada, nada di scuridad. Si nos bisa cu nos tin comunion cu Dios, y sinembargo nos ta cana den scuridad nos ta gaña y no ta practica e berdad.
Pesey nos tin cu aleha for di tur cos cu ta hiba nos den scuridad, y biba prepara, pasobra e dia ni e ora cu Dios ta bin busca nos alma , nos no sa.
Proverbionan 29:1 ta para scirbi; Esun cu wordo reprendi hopi biaha y toch ta haci su nek stijf , lo wordo kibra diripiente, sin remedi.
E diablo ta campeaon pa pone hende rebeldia contra Dios, esey ta su trabao, no lubida kico e a haci cu Adam y Eva.
Pero tambe nos tur mester corda locual ta para scirbi den 1 Juan 1:8-9; Si nos bisa nos no tin pica,nos ta gaña nos mes, y e berdad no ta den nos.
Si nos confesa nos picanan, E ta fiel y husto di pordona, nos, nos picanan y pa limpia nos di tur inhusticia.
Dios ta yama nos tur pa arepenti , drecha nos bida spiritual cune,y si awe bo tende Su bos no haci bo curason duro.
Dios ta yama nos pa ta prepara, pa nos por drumi anochi trankil sin miedo, pasobra tur momento e chens ta grandi cu nos lo spierta sea dilanti di Dios, of dilanti di candela di fierno.
Esaki ta e gran berdad cu nos tur ta bibando, y cu ningun hende no por scapa di dje. Dios ta doño di nos rosea.
