Ta tempo pa tur hoben realisa cu den hacimento di maldad no tin ningun clase di ganashi, no tin rikesa, diabel ta hinca den nan cabes cu nan tin cierto poder, pero esey ta puro bagamunderia.pasobra e ta conta pa maldad solamente.
Kico ta un gang? Un gang ta un grupo di hoben cu ta uni nan mes cu otro cu proposito di proteccion y indentidad falso, cual ta hiba nan den tur clase di maldad.
Hopi ta kere cu nan ta den cierto gang nan ta bira un persona cu ningun hende no por haci nan nada pasobra nan gang lo defende of tuma vengansa.
Y hopi tin miedo di e lider cu ta na cabes, pesey nan ta sigi su ordo sin pensa, pasobra nan ta droga y bao di dominio diabolico.
No ta tur hoben cu ta den gang ta miembro di un famia kibra, pero tambe tin hopi mucha malcria, cu nan tata y mama ta presente den cas. ( Efesios 6:4)
Bijbel ta mustra cu Dios ta aborece e asunto aki, por favor tur mayor conseha nan yiu:
Proverbionan 1 vers 10 -19. Ta para scirbi :
Mi yiu si pecadornan tenta bo, no consenti. Si nan bisa: Ban cu nos, laga nos sconde loer pa drama sanger, laga nos sconde ataca e inocentenan sin motibo.
Laga nos traga nan bibo manera Seol y hente manera esnan cu ta baha den graf.
Nos lo haña tur sorto di rikesa precioso,nos lo yena nos casnan cu botin.
Purba bo suerte cu nos, nos tur lo tin un solo saco di plaka.
Mi yiu no anda cu nan, No laga bo pia cohe nan caminda, pasobra nan pia ta corre bay na maldad, y nan ta lihe pa drama sanger.
Berdaderamente span net den bista di parha ta trabao pornada, ma nan ta sconde loer pa drama nan mes sanger, nan ta sconde ataca nan mes bida
Asina ta e caminda nan di cada un cu ta golos pa ganashi, cual ta kita bida di esnan cu ta doño di dje.
Nos ta para dilanti di un situacion cu nos por gana e guerra aki cu oracion y amor, si cada mayor tur dia sea bo yiu ta den gang of no, haci oracion pa tur esnan cu ta den gara di maldad, pa Dios libra nan.
Dicon nos mester haci oracion? Pasobra e influencia di maldad ta mundialmente grandi, y ora un cos ta grandi pa hende, ta yega e tempo pa pone e asunto den man di Dios pasobra pa Dios nada no ta grandi ni tampoco imposibel.
Salmo 34 vers 16 ta para scirbi: E cara di Señor ta contra hacidornan di maldad, pa corta e recuerdo di nan kita for di riba tera.
Nos tin di tene cuenta kico e palabra di Dios ta bisa, y ta pesey nos ta mira tanto cos tristo ta sosode.
Otro prueba grandi cu ta mustra cu Dios ta contra esaki ta den 2 Reynan capitulo 2 vers 23+24.ta para scirbi: Ora Eliseo tabata bay Bet-el algun mucha homber a sali y haci bofon di dje ( Bully) Bisando subi cabes pelon, subi cabes pelon,ora cu e a bira wak nan e a maldiciona nan den nomber di Señor. E ora ey dos beer muhe a sali for di e mondi y a habraca 42 di e mucha homber nan
Dios laga tur gang arepenti completamente y entrega nan bida na Cristo Hesus.