Efesionan Capitulo 5 vers 5+6+7) ta splica hopi cla: Pasobra esaki boso sa cu seguridad , cu ningun fornicado, persona impuro (inmoral) of hende cudicioso, cu ta adorador di dios falso,no tin herensia den e reino di Cristo y di Dios.
No laga ni un hende gaña boso cu palabra bano, pasobra ta pa motibo di e cosnan aki, cu e furia di Dios ta bini riba e yiunan di desobedencia. Pesey no sea participante hunto cu nan.
Ora nos ta papia di impuresa nos ta papia di tur locual tin scirbi den Galationan capitulo 5 ver 19-21, cual ta spierta tur hende.
Dios no ta haci acepcion, distincion of discriminacion di persona, cielo tin un porta solamente, y e porta ey su nomber ta Cristo Hesus, y E no ta laga nada drenta cu no ta agrada Su Tata cu ta den cielo.
Pablo a bisa den Filipensenan capitulo 3 vers 7: Ma tur cos cu tabata ganashi pa mi, e cosnan ey mi a considera como pierda pa causa di Cristo.
E ta posibel cu hende por bira asina sabi cu nan ta perde temor di Dios, y nan ta kere cu Dios ta acepta tur cos, y cu awor den e tempo trabahoso aki, hende ta acepta malo como bon , pero Dios a bisa den e buki di Isaias capitulo 5 vers 20: Ay di esnan cu ta yama loke ta malo bon, y loke ta bon malo.
Proverbionan capitulo 28 vers 6 ta bisa: Mihor un pober cu ta cana den su integridad, cu esun cu ta perverso den su caminda, maske e ta rico.
Juan Bautista a perde su cabes, pasobra e a bisa Herodes, ley no ta permiti pa bo tin esposa di bo ruman homber..
Awendia cuanto hende ta tribi di bisa nan amigo of amiga cu :
Halamento di cocaina,usa base, huma marihuana,y bebe te ora bo ta lastra abao, ta caba cu bo.
Bo no por ta casa y tin relacion sexual cu mas muher of homber den bo bida.
Of bo no por ta soltero of soltera y bo tin relacion sexual cu diferente homber y muher.
Bo no por ta muher y bo tin relacion cu muher mescos cu bo.
Of bo ta homber y bo tin relacion sexual cu homber mescos cu bo.
Of bo ta un homber/ muher grandi bo ta cana wak mucha menor di edad pa drumi cune.
Awel bo ta haña cu bo cu e gran historia, no huzgami, bo ta discrimina, y ta mi bida priva.
Pero e palabra di Dios ta bisa cu pa Dios nada ta scondi.
No ta existi bida priva dilanti di Dios.
Tur e cosnan ey ta cay bao di impuresa/ inmoralidad dilanti di Dios.
No ta tur locual mundo ta aproba, y hende ta celebra Dios ta acepta, pakico un hende tin cu biba bao di un engaño riba mundo, den un felicidad falso y bay temina den perdicion, y no hereda e reino di Dios.
Dios ta stima tur hende y ta duna tur hende chens pa arepenti, y drecha cuenta cu Dios y biba drechi.
Den 1 Juan Capitulo 1 vers 9 ta bisa: Si nos confesa nos picanan e ta fiel y husto pa pordona nos , nos picanan y pa limpia nos di tur inhusticia.
Riba e mundo nos tur a peca, pesey Dios ta duna oportunidad, mientras cu nos ta na bida, pa nos arepenti, confesa, y asina yega na bida eterna.
Nos tur cu arepenti tin derechi pa hereda e reino di Dios, laga nos aserca Dios.