Te ainda ningun hende no ta papia di esaki, pero pa años alcohol a bini ta mata hende y destrui hopi famia, causa hopi daño na comunidad , accidente y morto den trafico, hende invalido, violencia domestico, problema grandi bao di hubentud y un cantidad di malesa,
E ta un gran negoshi, casi na cada skina di caya bo por haña un bar, pa asina hende por sigi bebe, tur sorto di bebida hende ta bebe, a bin sali na cla cu hopi no por sin alcohol, alcohol tin un dominio hopi grandi riba nan bida .
Hende grandi ta siña mucha bebe, y tin hopi mucha bao di edad ta bebe, y hopi cu ta bay scol ta bebe. Alcohol ta un droga, alcohol ta un demoño cu ta gara bo pa e destrui bo, hopi hende a pensa cu nan por caba cu alcohol, pero alcohol a caba cu nan,
Tin hopi hende muher ta bebe, hopi hende ta bisa cu nan ta bebe pa motibo di depression, y otro tipo di problema, pero alcohol no ta yudabo sali for di problema ,alcontrario e ta hinca bo den mas problema.
Cual ta e vacuna contra Alcohol?
Awel tin un solucion, y esey ta Dios y Disiplina, Dios por librabo di alcohol, y bo disiplina por mantene bo lew for di alcohol. Pero prome cu tur cos bo mester pidi Dios pa liberabo di alcohol, prome cu alcohol destrui bo bida , pasobra alcohol ta haci bo contento , pa asina e tin gara riba bo, y dominabo cu tur consecuensia negativo, pasobra no tin positivismo pa un hende domina pa alcohol,
Proverbio 23 vers 35 ta splika bon cla kico alcohol ta haci cu hende: Lo bo bisa : Nan a dalmi , ma mi no a sinti,, nan a batimi, ma mi no tabata sa mes, ki ora lo mi spierta , e ora ey lo mi ta bolbe busca mas.
Asina ta pasando cu hopi hende,cu ta burachi bao di stuur, kende ta bebe durante di ora di trabao y cu tur dia ta yega cas burachi, y asina perde control y autoridad riba nan hogar y famia.
Proverbio 20:1 ta bisa: Biña ta un hacido di bofon,bibida sterki ta un borotado,y esun cu ta bao di su influencia no ta sabi.
Alcohol ta haci hende sabi bira bobo.Alcohol ta causa malesa di higra, Cancer na Stoma, of otro tipo di cancer, Alcohol ta afecta tur organo di bo curpa.Alcohol ta pone bo perde respet pa bo mes y pa tur otro hende.
Juan 10:10 E ladron a bini pa horta , mata y pa destrui,Ami a bin pa nan tin bida y pa nan tin e na abundancia.
E decision ta den bo mes man , pasobra abo ta dicidi riba bo bida, pero un hende no por ta terco, y cabesura pa su mes destruccion.
Pesey awe nos ta invita cualquier persona cu por ta mara na alcohol , pa e por entrega su bida na Cristo Hesus y E mes lo librabo di e adiccion aki,
