Laga nos cohe e toro na su cacho, pasobra Dios ta doño di henter e mundo aki, y tur locual tin riba dje.
Mayornan tin e deber di pone e fundeshi di bon actititud pa nan yiunan, pasobra un persona por tin un C.V. ( Curiculum Vitae) extraordinario, pero si su actitud no por resalta hunto cu e curiculum e ta den gran problema, pasobra bo actitud (caracter) ta locual ta habri porta pa bo.
Hopi biaha bo ta mira un hende den un posicion halto pero su actitud ta laga di desea, pasobra su manera di papia ta arogante y su exprecion ta corre cu hende.
Awor no ta pornada ta para scirbi, mayor lanta bo yiu den Señor, ta pasobra den e caracter di bo yiu, mester tin e educacion y enseñansa di Cristo, pa asina e actitud di Cristo por refleha den su bida, cual ta yena cu humildad. ( Philipensenan capitulo 2 vers 5)
Tur hende kier yuda hubentud, pasobra e situacion ta delicado, y nos no por tira e falta riba Covid, pasobra covid no a malcria ningun mucha ,tene na cuenta cu no ta tur mucha cu tin mal comportacion, a wordo habusa den nan infancia, pero for di nan infancia nan actitud mester a wordo coregi, y dirigi pa Cristo Hesus.
E presencia di Cristo Hesus den nos bida ta mas importante cu tur cos, pasobra solamente E por cambia nos actitud. Tur e hoben cu ta pasando den dificultad, sea pa nan mes mal actitud of ocasiona pa falta di responsabilidad di mayor por wordo cambia pa medio di palabra di Dios, si nan arepenti di henter nan curazon.
E no ta un asunto di religion, pero e ta asunto di salbacion y relacion personal cu Cristo Hesus.
Efesionan 4 vers 23 ta bisa: Y pa boso wordo renoba den e Spirito di boso mente, cu a wordo crea segun Dios den husticia y santidad berdadero.
Atencion na tur Hoben, pone atencion.
Bo actitud ta wordo determina pa e coleccion di pensamento dominante den bo mente, pasobra segun e pensamentonan den bo mente bo ta actua sea positivo of negativo, sea bo ta serio of bo ta fake, sea bo ta violento of bo ta decente.Tur cos ta depende ta ki sorto di pensamento ta circula den bo mente.
Locual bo mente por ricibi y kere, bo por hacie, pero tene bon cuenta kico bo ta ricibi y kico bo ta ehecuta.
Pesey uso di droga y alcohol y mal amistad ta peligroso, pasobra droga y alcohol ta pone bo halucina,mientras cu mal amistad ta hinca bo den problema y corre bay laga bo, of nan kier tuma vengansa pa bo, despues cu huez dicta sentencia riba bo.
Tene bon cuenta cu exito no por manifesta rond di bo, si e no ta establece den bo.
Ma e fruta di Spirito ta amor, goso, pas,pasenshi,cariño,bondad,fieldad, mansedumbre,dominio propio, contra e cosnan aki no tin ley. ( Galationan 5 :22-23) E unico manera pa bo cosecha fruta di Spirito, ta ora e Spirito Santo di Dios ta biba den bo.
Si awe bo habri bo curazon arepenti y invita Cristo Hesus bin biba den dje, bo bida lo cambia, y bo tristesa lo cambia den gozo., y bo caracter lo florece dilanti di tur hende. Dios ta bon pa nos .
Dios su presencia ta haci e diferencia den actitud( caracter) di tur persona no ta importa ta ken e ta.